Masalimo 56:2 - Mawu a Mulluku

² Adani ennapaalla okimirya nllapo nittheene vawi anchichi ennakiwukila mwawiitukhulla.

Masalimo 56:2 ပူးပေါင်းရင်းမြစ်များ

Masalimo 57:3

Mulluku aneerokaakhulla ari oddullu nave aneerokivullusa. Anaarewaagonjiha ookinyingallella, aneerokooniha echikondaaye yoohisintheya ni ororomelleya waye.

Yawuupullulla 16:14

Ddenndda sika minepa ddoonanara ddineera ddoottikhiniha. Minepa ddirarunndda ddinnakhuma ddiya wa mamwene attheene a va ellapo yavatthi, yaatthukumaniha vamodda wi ewane ekhoto ni Mulluku Amasiva Mattheene va nllapo naye nuullupalli.

Mika 6:6

Ethiyo kikuse tini wi kiphiye vamiitthoni va Apwiya wi kamullapelle Mulluku ooddullu? Ethiyo kaakuse asaanaang'ombe a muyakha mmodda wi kivelleelle mukutho wooshellelliha?

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Masalimo 93:4

Apwiya ooddullu tti amasiva okhwaranya othuruma wa enyanja onyakulla mafundiiwa.

Masalimo 92:8

Nyu nyookha Apwiya tti Amasiva Mattheene wa enthawi yoohimalla.

Masalimo 92:1

Tti waphaama waathokoza Apwiya, wiipella nchipo nnddina nanyu, nyu Amasiva Mattheene.

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Masalimo 54:5

aneerewaahokollosella ddoonanara adanaaka. Nyu Apwiya, woonongeni ekaamba ya ororomelleya wanyu.

Masalimo 35:1

Nyu Apwiya, mullipanena athu oollipana ni miyaano, muwane ni athu oowana ni miyaano.

Masalimo 9:2

Kineerohakallalla ni othapella ekaamba ya nyuwaano, kineerewiipa otetheella nnddina nanyu, nyu Amasiva Mattheene.

Masalimo 3:1

Nyu Apwiya, adanaaka tti anchichi, athu anchichi ennakiwukila.

Masalimo 41:5

Adanaaka ennallota ddoonanara wa miyaano wi, “Ethiyo muthu yoolla anaakhwe niini wi atiwalleye?”