Masalimo 55:22 - Mawu a Mulluku

²² Areye Apwiya ddookhupanya ddawo, alliwa eneerewuuseera, kheyaakhullella wi oolungamiiwa atikheye.

Masalimo 55:22 ပူးပေါင်းရင်းမြစ်များ

1 Petro 5:7

Muhiyereni ddookhupanya ddanyu ddittheddene kaambiiwa olliye annuuweherani.

Masalimo 37:5

Wiivelleelle m'mattani mwa Apwiya, waaroromelle nave eneerewuupwatha.

Mateyu 6:25

“Ella sika ekaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle munaawirye tini apaalle dda mwiillaanyu wi munaaware tini? Ethiyo okumi khonakhwaranya yoocha? Navettho mwiilli khonakhwaranya yoowara?

Masalimo 62:6

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 16:8

Erive enthawi kinnaahiya vamurimani Apwiya, vawi eri onnattanatta waka, sika khaavo oyo anaakitikhe.

Masalimo 37:24

Naari iikuha annavenya vawi Apwiya ennamuphara nnatta.

Masalimo 27:14

Vano atiyere Apwiya. Khalla amasiva nave ollipe murima. Ddawoona, atiyere Apwiya.

Masalimo 62:2

Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Mateyu 11:28

“Waani wa miyaano attheenenyu ootopa ni oollemelliwa m'murimani mwanyu, miyaano kineerowiithuuwihani.

Masalimo 63:8

Murimaaka woowaangellellani nyuwaano, nnattanatta nanyu ninnakiseera.

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

Masalimo 121:3

Khewa yaakhullella wi nnyallo nawo niserenguwe, oyo anuuteteza khawa akwindima.

Yesaya 50:10

Ttaani mwa nyuwaano anawoova Apwiya, aniiwellella mawu a oorumeyelliiwa? Arive muthu aweeta mwiipiphini oohikhalla ni yoomumolleella, aroromelle nnddina na Apwiya, ahameelle va Mullukwaaye.

Luka 12:22

Vano Yesu aallota ni oohudderaaye wi, “Sika tti kaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle dda mwiillaanyu wi munaaware tini?

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Masalimo 12:3

Apwiya, tiyellani eyano ddittheddene ddawoottha, hiihani nirive nllumi nawiitukhulla.

Masalimo 64:4

Ennaavokhella mwawiipittheya athu oohilakwa, enaahoma moorurumusa ni moohoova.

Yeremiya 9:7

Ekaamba ya ddenndda Apwiya Amasiva Mattheene enallota wi, ‘Wonanko mukoko, kineeroweeka athwaaka. Alliwa tti oochimwa, kinaawore mwawiidde waahiyerera?