Masalimo 55:19 - Mawu a Mulluku

¹⁹ Mulluku oyo anakhalla va mpando woomwene waambeella khalle, aneerokiwanella ekhoto, aneerewaagonjiha vawi khenapaalla osintha, khenamoova.

Masalimo 55:19 ပူးပေါင်းရင်းမြစ်များ

Deuteronomo 33:27

Apwiya sika woothawellawo, annuusunga ni muwonwaaye woohimalla. Aawiikariha adani vamiitthoni vawo, ahuulleella wi owoononge attheene.

Zefaniya 1:12

Va enthawi yeeyo kineerewaashaasha mu Yerusalemu ni enyali, kineerewaallaka athu awi moona okeraatthi wonanko vinyo ookeraattheya ayo m'murimani mwiwa enallota wi, ‘Apwiya kheneera yaphaama apaalle yoonanara.’

Mika 5:2

Apwiya enallota wi, “We Betelehemu Efurata, ori mung'onong'ono variyari va matawoni a Yuda koma mwa weyaano muneerovenyera oolamulella Israele. Olliyoolla maambeellwaaye tti akhallekhalle, a mallapo oohaamba.”

Yeremiya 48:11

Apwiya yaallota wi, “Mowabu ookhalla va murendelleni ovenyera esombwaaye wonanko vinyo ookeraattheya phaama, oohimiminelliwa m'munoni mmodda. Ekaamba yawi khanaphariweke okaporo, makhallellwaaye tti amoddamoddave navettho wunkhella waye tti omoddamoddave.”

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

Akolose 1:17

Khrisitu aakhallawo ddeko ddittheddene ddihinakhallewo nave ddeko ddittheddene ddoomakellelliwa vamodda mu eyaattano ni olliyooyo.

Yesaya 36:20

Ethiyo tti milluku ddiivi mwa milluku ddittheddene dda ellaponndda nnddo ddavullusalle ellapo ddiwa wa mwenaahu wi nyu mweereke Apwiya ttuuvullusa Yerusalemu wa olliye?’ ”

Miyambo 1:32

Athu eenamwani eneerewiiphiwa ekaamba ya ohollowa wiwa. Nave ookarangeya eneerewoonongeya ekaamba ya ohipwatha wiwa.

Masalimo 143:12

Attholloseni adanaaka ekaamba ya echikondaanyu yoohisintheya va miyaano. Muwoononge attheene ookihoosa, ekaamba ya miyaano oorumeyellaanyu.

Masalimo 78:59

Mulluku iiwalleeye ddenndda aananariwa wunchichi, ahaakhoota Aisraele ni murimaaye muttheene.

Masalimo 65:5

Nyu Mulluku, oonivullusaahu, munnanaakhulla voonivullusani ni mitteko ddanyu ddoottikhiniha. Athu a va ellapo yavatthi ettheene vakhopella va enyanja ya woorekamella attheenaayo ennuuroromellani.