Masalimo 53:1 - Mawu a Mulluku

¹ Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

Masalimo 53:1 ပူးပေါင်းရင်းမြစ်များ

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

Aroma 1:28

Vawi athu yaayo ennakhoota omwaakhullella Mulluku, Mullukooyo ohaahiya wi eganizeke ddoonanara ddennddo. Sika eneera ddeko ddoohiphwanella weeriwa.

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Yobu 15:16

Vawiidde muthu oonanara ni oochimwa, oowirya ddoonanara wonanko maaddi.

1 Mamwene 14:24

Nave waakhallattho allopwana ooraruwa voollapellani mu ellapo yeeyo. Athwaalla yaaneera ddoonanara nnddo ddeeriwa ni athu ayo Apwiya yawiikarilliiwa Aisraele yaphiyiiwa.

1 Petro 4:3

Mootathilla enthawi yinchichi khalle vaweerani nnddo eneera athu oohimullapella Mulluku. Okhalla wanyu waari wa oraruwa, minkhella ddoonanara, olezela, machellello ni olezela nave ollapella mafano moonanariha.

Aefeso 5:12

(Tti ddoowulliha muru ollota ddeko ddineereya mwiipiphini.)

Mateyu 5:22

Koma miyaano kinuulleellani wi wamunanariwella mukhwaawo attekweene a millatu eneerewuuphwanya wi tti oochimwa. Wamullotella epewe mukhwaawo wi, ‘Muthu ookarangeya we’ oneerokusiwa oya wa attekweenaanyu aweeruza millatu. Navettho wamullotella epewe mukhwaawo wi, ‘Okarangeya, oohikhalla ni muttekowe,’ oneerophwanella ovokhiwa mu gehena.

Masalimo 10:13

Kaambiiwa tini oonanara anamukhooteeye Mulluku, analloteeye m'murimani mwaye wi, “Khawa akillaka”?

Masalimo 10:11

Oonanara m'murimani mwaye anallota wi, “Mulluku khanapwathawo, ookhuneella owiitthoni, khakoona.”

Masalimo 10:6

M'murimani mwaye anallota wi, “Ngiwa kitikheya, ngiwa koona yookatamiha.”

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

1 Mamwene 12:26

Vano Yerobowamu aallota m'murimani mwaye wi, “Vano omwene oneerohokollweella wa edduullu dda Davide.

Deuteronomo 12:31

Muhaallapelleke Apwiya Mullukwaanyu, moophwanaphwana ni mmo alliwa enallapellelliiwa milluku ddiwannddo. Alliwa enneera ddoonanara ddawoopiha ddinchichi ddawiitana ni Apwiya vawi ennaashellelliha aniiwa aallopwana ni aatthiyana vamunlloni vawaavelleellani wa milluku ddiwa.

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

Ezekiele 16:51

“Samariya kheerille naari hafu a machimo weerilleewe. Weyaano waheera ddoonanara ddinchichi waakhwaranya asinno eellaalla wawi alliwa yooneya wonanko oohichimwa ophwanaphwaniha ni weyaano.

Ezekiele 16:47

Weyaano khewaawiiwananne ni ettilla ddiwa navettho ddaweera ddiwa ddoonanara. Koma viviralle enthawi yooyeva waheera yoonanara waakhwaranya alliwa.

Masalimo 92:6

Muthu oohikhalla ni ezeru khanadduwella, muthu ookarangeya khaniiwesesa ddenndda.

Masalimo 88:1

Nyu Apwiya Mulluku oovullusaaka, kinninllella otthaana ni mahiiyu.