Masalimo 52:2 - Mawu a Mulluku

² We awoottha onaganiza ddawoononga, nllumi nanyu tti wonanko mpeni wawiisha.

Masalimo 52:2 ပူးပေါင်းရင်းမြစ်များ

Miyambo 18:21

Nllumi nookhalla ni masiva a okhwa ni okumi, oonikonda annacha ezipaso ddiwa.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Miyambo 12:18

Ollota ddoonanara onnahoma wonanko nsupada koma nllumi na muthu eezeru ninnachiriha.

Masalimo 59:7

Ayo eri nko, ennatokollolla wunchichi, ennakhuwa mweepewe, kaambiiwa m'murimani mwiwa ennallota wi, “Ttaani ananiiwa.”

2 Akorinto 11:13

Yaayo tti amurummwa awoottha ayo enoottha dda muttekwiiwa nave eddeelliha weekhiiwa wi yooneyeke wonanko amurummwa awoona a Khrisitu.

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Mitteko 24:5

Noophwanya wi muthoolla tti ookatamiha, annaambiha owana variyari va Ayuda orive weko va ellapo yavatthi navettho tti oohoollella mulloko wa Anazarene.

Mitteko 24:1

Viviralle mallapo matthanu mullupa mukutho muullupalli nnddina naye Ananiya* aaya o Kaisareya ni attekweene a Ayuda* amodda owaaka muthu owaallotella athu va millatu nnddina naye Tertulo. Yaaya wa Felike nave emusumella Paulo.

Mateyu 26:59

Nave allupa mukutho uullupalli ni attekweene a millatu attheene yahaashaasha omboni wawoottha woomuvaanyiha Yesu wi emwiiphe.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Miyambo 30:14

Vookhalla amodda miinwiiwa tti wonanko nsupada apaalle mpeni wi yaattakhune oohoowa waavenyiha va ellapo yavatthi, oopaneya variyari va akhwiiwa.

Masalimo 120:2

Kaallota wi, “Nyu Apwiya, kivulluseni wa athu awoottha ni oolleka.”

Masalimo 109:2

Athu oonanara ni awoottha, ennallota ddookiwukila, ennallota ddookootthera.

Masalimo 50:19

Khonoova ollota ddoonanara ni eyanwaawo, nllumi nawo ninnallota ddawoottha.

Yawuupullulla 12:10

Sika kahiiwa mawu ookhuwa ovenyera ooddullu awi, “Vano ovullusa, masiva ni omwene wa Mulluku nave olamulello wa Mesiya* ddoophiya. Vawi oyo aniimella vamiitthoni va Mullukwaahu aavaanyihaka asinnihu ni arokorihu otthaana ni mahiiyu ahiikarihiwawo oddullu wuno.

1 Samuele 22:9

Vaavo Doegi a o Edomu oyo iimenlle vakhuviru ni enduna dda Saulo aallota wi, “Mi kaamoona mwaana a Yese ayaaka o Nobu wa Ahimeleki, mwaana a Ahitubi.