Masalimo 51:19 - Mawu a Mulluku

¹⁹ Vano muneerohakallalla ni mikutho ddoophwanella, mikutho ddawoosa ni ddooshellelliha. Sika eneerovelleella anankhoro a eng'ombe vanikuwani.

Masalimo 51:19 ပူးပေါင်းရင်းမြစ်များ

Masalimo 4:5

Muvelleelleke mikutho moolungama nave mwaaroromelleke Apwiya.

Malaki 3:3

Nave eneeroowa wi yeeruze wonanko aweeka ni oomweelliha siliva. Aneereweelliha edduullu dda Levi ni oweeka wonanko golide ni siliva sika wi evelleelleke mikutho ddoophwanellella wa Apwiya.

Aefeso 5:2

Sika okumaanyu olamulliweke ni echikondi, wonanko mmo Khrisitu ananikondelleeye nave aaheraatthi okumaaye ekaamba ya hiyaano wonanko ya nthuko naphaama yooheraatthiwa ni mukutho woomuhakallalliha Mulluku.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Masalimo 118:27

Apwiya sika Mulluku, oonivaha owala. Ambani olendo wa ehakallallo, mukusalle enthambi m'mattani mwanyu ophiyera muphiyalle o nikuwa na mukutho.

2 Mamwene 22:19

waalapa ni wiiyeviha vamiitthoni va mi Apwiya. Kahuulleella wi kineerollaka muzindoolla ni athu attheene a mwemmo nave wi oneerotthattuwa nipuro nawoopiha ni nootulli. Vawi wohaahulla ddoowara ddawo winllaka vamiitthoni vaka, miyaanottho kohiiwa nivekello nawo. Mi Apwiya koollota.

Masalimo 34:19

Athu oolungama ennoona ddoohoosa ddinchichi, koma Apwiya ennaavullusa mu ddittheddene.

Yesaya 57:15

Muullupalli ni Amasiva Mattheene oyo arivo enthawi ddittheddene nave nnddina naye tti Aweella anallota wi, “Kinakhalla va nipuro navaddullu ni naweella, kinnakhallattho vamodda ni athu awiiyeviha ni oolapa wi killipihe munepa wa awiiyeviha ni ohihimulla murima wa oolapaayo.

Yesaya 66:2

Ddeko ddittheddenenndda kaddiphatusalle tti miyaano, sika ddittheddenenndda tti ddaaka. Miyaano kinnahakallalla ni athu awiiyeviha ni oolapa, ookoova ni awiiwellella mawaaka.