Masalimo 51:14 - Mawu a Mulluku

¹⁴ Mukaakihe o mullatu wa nikhame, nyu Mulluku, Mulluku oovullusaaka, kineerowelliha mawaaka vawiipani dda ovullusa wanyu.

Masalimo 51:14 ပူးပေါင်းရင်းမြစ်များ

Masalimo 35:28

Miyaanottho kineerollalleya dda echilungamwaanyu, kineerewuutitimihani mallapo mattheene.”

2 Samuele 12:9

Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

Aroma 10:3

Khenadduwella mmo Mulluku anaalungamihelleeye athu vamiitthoni vaye nave enathwara ettilla yayiwayayiwa; sika vano kheyaakhullelle ettilla ya Mulluku yowaalungamiha athu.

Hoseya 4:2

Ennallupella mwawoottha, ennallota ddawoottha, enniipha, enniiya ni oraruwa. Machimo aattepa nave enniiphanana.

Masalimo 26:9

Muhikitathillelle nimodda ni oochimwa, muhikivenyihelle okumi nimodda ni awiipha,

Genesis 9:6

Arive muthu oomwiipha muthu, nayeenettho aneerewiiphiwa ni muthu vawi muthu aphatusiwe moophwanaphwana ni Mulluku.”

Mitteko 20:26

Sika kinallota wa nyuwaano ollello vano wi, ‘Mullatu okhalle wa nyuwaano! Miyaano nginna mullatu.

Mitteko 18:6

Ayuda yamuvaanyihalliiwa emullotellattho epewe, olliye ahaahokollosella voottatthani nthupi va ddoowara ddaye ni ollota wi, “Mullatu okhalle wa nyuwaano! Miyaano nginna mullatu. Ovenyera vano kineerooya wa athu ayo ehiri Ayuda.”

Habakuku 3:18

kineerohakallalla ni okotella mwa Apwiya kaambiiwa Apwiya Mulluku tti oovullusaaka.

Daniele 9:16

Nyu Apwiya, ekaamba ya olungama wanyu, ninaveka wi osha murima wanyu ni owallaanyu ddivenyevo va muzinda wa Yerusalemu, mwaangwaanyu waweella. Athu a ellapo ddawaapheella ennamuvevulla Yerusalemu ni athwaanyu ekaamba ya machimwaahu ni ddoonanara dda makhollwaahu.

Daniele 9:7

Nyu Apwiya, muri oolungama koma ophiyera ollello ninnavirellella owulliwa muru hiyaano athu a o Yuda, aneetthi a o Yerusalemu ni athu attheene a o Israele, avakhuviru ni awoorekama, o ellapo ddittheddene nko mwaniikarihelleenyuwo ekaamba yawi khanaaroromelleye wa nyuwaano.

Ezekiele 33:8

Kamulleella muthu oonanara wi oneerokhwa nave weyaano waahimuchenjeza wi ahiye makhallellwaaye oonanara ddawoona, muthooyo aneerokhwa moollikana ni ochimwa waye koma nikhame ninaakhalle va muru vawo.

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Masalimo 88:1

Nyu Apwiya Mulluku oovullusaaka, kinninllella otthaana ni mahiiyu.

Masalimo 68:20

Mullukwaahu tti Mulluku oovullusa, tti Mulluku, Apwiya ayo enanoopolla wuukhwaani.

Masalimo 55:23

Koma Nyu Mulluku muneerewaavokhella adanaaka mu nlliti noowallamella nawoononga. Athu awiipha ni awoottha khephiya naari hafu a mallapwiiwa ookumi. Koma nyu Mulluku, kineerewuuroromellani.

Masalimo 38:22

Akuvani okikavihera, nyu Apwiya Mullukwaaka.

Masalimo 25:5

Mukihoollelle mu yawoonaanyu nave mukilangize vawi nyu tti Mulluku, oovullusaaka, kinnuuroromellani mallapo mattheene.

Nehemiya 9:33

Nyu tti oolungama va ddittheddene ddinimorenlle, nyu tti oororomelleya koma hi tti oochimwa.

Ezara 9:13

Nave ddittheddenenndda ddinimorelle ekaamba ya machimwaahu muullupalli. Naarive ddiri ddiiddo, nyu Mullukwaahu munillakille vang'ono moohillikana ni machimwaahu nave mooneeriha wi nihalle wonanko ddikhallelliiwammu.

2 Samuele 21:1

Enthawi ya omwene wa Davide waakhalla ettalla wa miyakha miraru ddoothwarana. Nave Davide aaveka ezeru wa Apwiya nave Apwiya yaamulleella wi, “Saulo ni nibanja naye aakhalla ni mullatu woowiipha Agibiyoni.”

2 Samuele 3:28

Vatulli viwa Davide iiwalle aallota wi, “Mi ni athu attheene a mu omwenaaka khanichimwale vamiitthoni va Apwiya va okhwa wa Abinere, mwaana a Nere.

Genesis 42:22

Sika Rubeni aallota wi, “Valle miyaano kahuulleellani wi musomboolla muhimweerena erive ello koma nyuwaano khamwaakiiwellelle. Mohoonathi vano nirina ollivelliwa ekaamba yoomwiipha olliye.”