Masalimo 51:12 - Mawu a Mulluku

¹² Mukihokolloselle ohakallalla wa ovullusa wanyu, mullipihe mwa miyaano munepa woopaallesesa owiiwellellani.

Masalimo 51:12 ပူးပေါင်းရင်းမြစ်များ

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Masalimo 13:5

Koma miyaano kinaroromella echikondaanyu yoohisintheya, murimaaka oneerohakallalla kaambiiwa mookivullusa.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yuda 1:24

Nave wa olliye oyo anawora wuutetezani wi muhichimwe ni owiimesani mu ntitimiho naye moohikhalla ni yoochimwa nave moohakallalla ni murimaaye muttheene,

2 Akorinto 3:17

Vano, Apwiya mu etima yeella tti Munepa nave mvo vinakhalla Munepa wa Apwiya vookhalla ottaphuwa.

Luka 1:47

nave munepaaka wohakallalla ekaamba ya Mulluku, oovullusaaka,

Masalimo 35:9

Sika murimaaka oneerohakallalla mwa Apwiya, othapella wi aakivullusa.

Masalimo 119:133

Seerani meetellwaaka moollikana ni mawaanywaalle, muhinaakhullella wi nirive nichimo nikilamulelleke.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Aroma 8:15

Vawi Munepa oyo Mulluku uuvahilleeyeni khonaweerani akaporo ayo enakhalla mwawoova koma Munepooyo onaweerani anamwani a Mulluku nave ekaamba ya masiva a Munepooyo ninnamweera Mulluku wi, “Abba” ottaphullella wi, “Attiitthaaka!”

Yeremiya 10:23

Nyu Apwiya, kinnadduwella wi okumi wa muthu khe waaye, khanawora wiihoollella yeekha.

Aroma 14:4

Ethiyo nyu ttaani wi mumweeruze mullupa mutteko a mwaneena? Tti apwinnya ayo enoona wi oolephela apaalle oopambana. Nave aneeropambana kaambiiwa Apwiya Mulluku sika enaamweerihe wi awore opambana.

Masalimo 21:1

Apwiya, mwene annahakallalla kaambiiwa moomuvaha masiva, annathapella wunchichi kaambiiwa moomupambaniha.

Masalimo 19:13

Muhaakhullelle wi oorumeyellaanyu achimweke phudda ahilamulelliweke ni machimo. Vano kineerokhalla oolungama, ohikhalla ni mullatu wa machimo muullupalli.

Masalimo 17:5

Koothwara phaama ettilla ddanyu ddittheddene, nginaserenguweke naari vang'ono.

Yesaya 49:13

We oddullu, ipa moohakallalla, we ellapo yavatthi, thapella! Nyu miyaango, ambani nchipo! Apwiya ahaakhurumusa murima athwiiwa, aaweerella echifundo athwiiwa oohoowa.

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.