Masalimo 51:10 - Mawu a Mulluku

¹⁰ Mukiphatuselle murima waweella, nyu Mulluku, muhiye mwa miyaano murima wanaanweene ni wookeraattheya.

Masalimo 51:10 ပူးပေါင်းရင်းမြစ်များ

Ezekiele 11:19

Kineerewaavaha murima wanaanweene ni munepa musha. Kineerovenyiha murima wawumma wonanko nlluku nave kineerewaavaha muwari mwiwa murima wawoollowa wonanko muhehe.

2 Akorinto 5:17

Arive muthu ari mu eyaattano ni Khrisitu, tti yoophatuwa yanaanweene, ddakhalle ddoomalla, ddanaanweene ddoophiya.

Mateyu 5:8

Oodalisiwa tti ayo eri aweella murima, vawi eneeromoona Mulluku!

Ezekiele 18:31

Tathillani ddoonanara ddanyu ddakhalle nnddo mwakichimwenlleenyuna. Mukhalle ni murima wanaanweene ni munepa wanaanweene. Nyu Aisraele munaakhwelle tini?

Aroma 12:2

Muhittakihereke makhallello a athu a va ellapo yavattheella. Koma mwaakhullelle wi Mulluku uutthattuseni vawuuvahani murima wanaanweene. Vano muneerodduwella eyo Mulluku anapaalleeye, yaphaama wunchichi, yoomuhakallalliha ni yoophwanellella.

Mitteko 15:9

Mulluku khananihiyaniha hiyaano ni alliwaayo, ahaakhululukella machimwiiwa kaambiiwa yaakhulupilila.

Tito 3:5

aanivullusa ohiri ekaamba ya echilungamwaahu koma ekaamba ya echifundwaaye. Aanivullusa hiyaano oweella mwa obadiziwa wa oyariwa wanaanweene nave aanitthattusa anaanweene oyeella mwa Munepa Waweella.

1 Petro 1:22

Vano mwaaddeelliha vawiiwellellani yawoona wi mukhalle ni echikondi yawoona va ookhulupilila akhwiinyu. Mukondaneke mwawoona ni murimaanyu muttheene.

Yeremiya 32:39

Kineerewaavaha murima mmodda ni meetello mamodda wi ekooveke enthawi ddittheddene. Sika alliwa ni aniiwa ddeko ddineerekoweetella phaama.

Miyambo 20:9

Ttaani anaallote wi, “Kooweelliha murimaaka nave nginna nichimo?”

Masalimo 24:4

Tti oyo aneera ddaphaama, ari ooreera murima, ahinallapella mafano, ahinallupella moolleka.

Akolose 3:10

nave moowara makhallello anaanweene. Nyuwaano tti anaanweene, ayo Mulluku oophatusa, anavirellella wuupotokosani mwanaanweene mu maphwanaphwaniho a yeekhaaye wi mumudduwellesese olliyooyo.

Aefeso 2:10

Vawi Mulluku aaneera mwawi ddiidda nave mu eyaattano ni Khrisitu Yesu aaniphatusa wi neereke ddaphaama mu okumaahu, nnddo aakhozilleeye moovallallella.

1 Akorinto 15:58

Sika vano, asinnaka ni arokoraka ookondiwa, khallani oohitikheya ni oohisuseya. Hiyani murimaanyu va mutteko wa Apwiya vawi munnadduwella wi oweella mwa alliwa, muttekwaanyu onnakhalla ni mphuro.

Masalimo 73:1

Ddawoona, Mulluku tti aphaama wa Israele, wa athu aweella murima.

Yakobo 1:8

vawi yoolla tti a mirima miilli ni ookayikella va ddeko ddittheddene aneereeye.

Masalimo 78:8

wi Ehikhalle wonanko makhollwiiwa, athu awumma murima ni oowukila, mbado wa athu ayo mirima ddiwa ddiri ddoohikeraattheya, ayo okumiiwa muttheene ori woohiroromelleya wa Mulluku.

Masalimo 78:37

Murimiiwa khewaari woororomelleya wa olliye, kheyaasungalle echipanganwaaye.

Yeremiya 13:27

Kohoona ddoonanara ddanyu, oraruwa wanyu, minkhella ddanyu ni ohulaanyu omiyaangoni ni ohakani. Otulli nyu a o Yerusalemu! Ethiyo munaakhalleve ooheellihiwa ophiyera niini?

Ezekiele 36:37

“Mi Apwiya Mulluku kinallota wi, ‘Kineerowaakhullellattho Aisraele wi ekiveke nnddo enapaalliiwa wi kiweerelle. Kineerewaaruuwiha athwiiwa wonanko enkhosa.

Mitteko 11:23

Aphiyalleeyewo ahoona echisomo ya Mulluku vaathwaayo. Aahakallalla nave aallipiha mwiilli attheenaayo wi evirellelle ookhulupilila mwa Apwiya ni murimiiwa muttheene.

Yoswa 14:14

Ophiyera ollello ellapo ya Hebroni tti yoohallaniiwa ya edduullu dda Kalebe, mwaana a Yefune a o Kenizi vawi aawiiwellella Apwiya Mulluku a Aisraele ni murimaaye muttheene.

Masalimo 35:10

Kineerohakallalla ni murima muttheene kineerollota wi, “Ttaani anaaphwanaphwane ni nyu Apwiya, nyu munamuvullusa oofooka wa muthu amasiva manchichi, nyu munamuvullusa oohoowa wa muthu oomwiiyera.