Masalimo 51:1 - Mawu a Mulluku

¹ Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 51:1 ပူးပေါင်းရင်းမြစ်များ

Mitteko 3:19

Sika rukunuwani murima nave muwe wa Mulluku wi uukhululukelleni machimwaanyu

Yesaya 44:22

Kooddivenyihavo ddoolakwa ddawo wonanko murapo, machimwaawo wonanko ethapo, hokollowella wa miyaano vawi koowoopolla.”

Yesaya 43:25

Miyaano, ddawoona miyaano, tti oyo anakhululukella machimwaawo ekaamba ya ntitimiho naka nguupuwellaka machimwaawo.

Masalimo 51:9

Muhinaweha machimwaaka, muvuhellelle ddoonanara ddaka.

Akolose 2:14

Mulluku aafuta mullatu oyo walembiwe moonihumullulla hiyaano ekaamba yoohiiwellella malamulo. Enre ddenndda vootthomeyani vamutandani.

Masalimo 69:16

Nyu Apwiya, kaakhulleni vawi echikondaanyu yoohisintheya tti yaphaama, Kaapelleni maaru vawi echifundwaanyu tti yuullupalli.

2 Samuele 11:2

Nllapo nimodda misikuwa, Davide aavenya vabedini vaye, aneeta vaddullu va enyumbaaye yoomwene. Ari vaddullumvo aamoona mutthiyana ahapaka. Mutthiyanooyo aari ooreera wunchichi.

Masalimo 106:45

Yahuupuwella echipanganwiiwa ekaamba yawaakonda athwaayo. Yaakhurumusa murima ekaamba ya wunnuwa wa echikondiiwa yoohisintheya.

Masalimo 4:1

Nyu Mullukwaaka oolungama, mukaakhulle kaawiithanakani. Kakatamihiweemi mwaawa mukikavihera. Mukeerelle echifundo nave iwani ovekella waka.

Maliro 3:32

Naari yaallakaka mweekuku, koma eneerewooniha echifundo, ekaamba ya echikondiiwa yoohisintheya.

Masalimo 119:124

Keerelleni echifundo mi oorumeyellaanyu, ekaamba ya echikondaanyu yoohisintheya, mukihuddihe malamulwaanyu.

Masalimo 109:21

Koma nyu Apwiya, Mullukwaaka, mukiseere ekaamba ya nnddina nanyu, mukivulluse vawi echikondaanyu yoohisintheya tti yaphaama.

Masalimo 40:11

Muhinakivenyihera echifundwaanyu, nyu Apwiya, echikondaanyu yoohisintheya ni ororomelleya wanyu ddinnakisunga.”

Masalimo 5:7

Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

Masalimo 106:7

Makhollwaahu yaariiwa o Iguputo, kheyaapwathille ddoottikhiniha ddanyu. Kheyaawuupuwelle wunnuwa wa echikondaanyu yoohisintheya, koma yaamuwukila Mulluku Amasiva Mattheene o Enyanja Yoofiira.

Masalimo 69:13

Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Daniele 9:9

Apwiya Mullukwaahu, muri eechifundo navettho ookhululukella naari nuuwukinleni.

Yesaya 63:15

Nyu Apwiya oddullunko, o nipuro nanyu naweella ni nantitimiho, nooneni. Ethiyo opwatha wanyu ni masivaanyu ddiri wuuwi? Moohiya onoonihella echikondaanyu ni echifundwaanyu.

Yesaya 63:7

Kineerollota dda echikondi yoohisintheya ya Apwiya, kineerewaatitimiha ekaamba ya ddittheddene eneerenlliiwa. Ahaadalisa wunchichi athu a o Israele, voothwarani echifundwiiwa ni wunnuwa wa echikondiiwa yoohisintheya.

Masalimo 145:9

Apwiya tti aphaama wa attheene, ennaddeerella echifundo ddittheddene yaddiphatusalliiwa.

Masalimo 77:9

Ethiyo ootiwalla oreera murima waye wulle? Ethiyo oonanariwa waye woohiiha echifundwaayeelle?

Daniele 9:18

Nyu Mullukwaaka, apellani maaru wi mwiiwe mawaaka. Muhulle miitthwaanyu wi moone matepaahu ni muzinda oyo onadduwelliwa ni nnddina nanyu. Kinavekella wa nyuwaano ekaamba yawi muri eechifundo, ohiri ekaamba yawi hiyaano niri oolungama.

Nehemiya 4:5

Muhaakhululukelle ddoolakwa ddiwa nave muhivuhellelle machimwiiwa vawi yoottatthamulla owallaanyu vamiitthoni va athu eeruso yoomaka.”

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”