Masalimo 50:7 - Mawu a Mulluku

⁷ “Nyu athwaaka ngiiwani, miyaano kineerollota, kineerovelleella omboni wawuuvaanyihani Aisraele. Mi tti Mulluku, Mullukwaanyu.

Masalimo 50:7 ပူးပေါင်းရင်းမြစ်များ

Masalimo 81:8

Nyu athwaaka ngiiwani, kuulangizeni, nyu Aisraele, pepaani kiiwellelleni!

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Yeremiya 2:9

“Sika vano mi Apwiya kineerowiipani wiilli mullatu, kineerewiipattho mullatu edduullu ddanyu.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Ezekiele 20:7

Kahaalleella attheene wi, ‘Arive muthu atathille ddoonanara ddaye ddittheddene nnddo ddamuhakallalliha nave ahiiripihe ni mafano a o Iguputo, Mi tti Apwiya Mullukwaanyu.’

Ezekiele 20:5

Vatulli viwa waalleelle mawaaka awi, ‘Va nllapo nno kuutthoollilleemi we Israele, kaallupella wa edduullu dda Yakobo nave kaadduupullulla wa alliwa o Iguputo. Kaallupella kaalleella wi, “Mi tti Apwiya Mullukwaanyu.” ’

Yesaya 1:18

Apwiya enallota wi, “Hankoni vano nillote mullatwaanyu vawi naari machimwaanyu eri oofiiresesa, eneereweella mbee, naari efiiralle wonanko nikhame, eneereweella wonanko nthoche.

Masalimo 49:1

Nyu athu a mitundu ddittheddene, iwani nndda, nyu attheene ookhalla va ellapo yavatthi, apellani maaru,

2 Epilli 28:5

Sika ekaambiiwa Apwiya Mullukwaaye yamuvelleelliiwa Ahazi wa mwene a o Siriya oyo amugonjihalle nave athu anchichi yaaphariwa okaporo oya o Damasiko. Aavelleelliwattho m'mattani mwa mwene a o Israele oyo amugonjihalle voomwiiphani.

2 Mamwene 17:13

Mutthemwenemmo Apwiya yaamuchenjeza Israele ni Yuda wi oyeella mwa oollohella ni anamallotelliiwa wi, “Hiyani makhallellwaanyu oochimwa nave iwellellani malamulwaaka ayo kaavelleelleemi wa makhollwaanyu oweella mwa anamallotella, oorumeyellaaka.”

1 Mamwene 18:39

Vano athu attheene yoonille ddennddo yaamoriha ekhove ddiwa vatthi ellota mookhuwa wi, “Apwiya sika Mulluku! Apwiya sika Mulluku!”

Masalimo 81:9

Vihiwe vikhalla mulluku eelleto variyari vanyu, muhiwe mumullapella mulluku mmodda.