Masalimo 50:23 - Mawu a Mulluku

²³ Koma othokoza wonanko mukutho onakititimiha, oyo aneera ddenndda, kineeromoonihella ovullusa waka.”

Masalimo 50:23 ပူးပေါင်းရင်းမြစ်များ

Masalimo 91:16

Kineeromuvaha okumi woorekama, kineeromooniha ovullusa waka.

Masalimo 86:12

Nyu Apwiya Mullukwaaka, kinnuuthokozani ni murimaaka muttheene, kineerotitimiha nnddina nanyu wa enthawi yoohimalla.

Yakobo 3:13

Ttaani a nyuwaano ari ni ezeru ni wiiwesesa? Oonihe ddenndda ni makhallellwaaye aphaama nave mitteko ddaye mu ezeru ddoomaalleya.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Masalimo 25:14

Apwiya ennaattana ni oowoova alliwa, ennaadduwelliha echipanganwiiwa.

Yesaya 12:2

Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.

Mitteko 13:26

“Aisraele akhwaaka, edduullu dda Abrahamu ni athu attheene ayo ehiri Ayuda koma munamoova Mulluku, othenga woollota dda ovullusa waarumihiwa wa hiyaano!

Afilipi 1:27

Vano yoopaalleya tti yawi mukhalleke moollikana ni othenga wa Khrisitu. Sika naari kiwe apaalle kihiwe wi kiwooneni kineerewiiwa wi mohiimella moohitikheya moowiiwanana moophara mutteko moollipa nimodda ekaamba ya echikhulupililo mu othenga waphaama.

Yohane 7:17

Arive muthu anapaalla weera opaalla wa Mulluku aneerodduwella wi ehuddihwaaka enavenyera wa Mulluku apaalle wi kinallota ddoovenyera m'muruni mwaka.

Luka 2:30

Vawi miitthwaaka ahoona ovullusa wanyu,

Masalimo 85:13

Echilungamo eneerewaahoollella, eneeromookollella meetellwaaye.

Agalatiya 1:24

Nave yaamutitimiha Mulluku ekaamba ya miyaano.

Masalimo 86:9

Nyu Apwiya, mitundu ddittheddene dda athu mwaddiphatusalleenyu ddineeroowa wa nyuwaano, ddineerewuukokhorellani, ddineerotitimiha ottekweenaanyu,

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

1 Petro 1:15

Nave mukhalleke aweella murima mu ddeko ddittheddene muneereenyu vawi Mulluku oyo awiithanilleni tti aweella.

Agalatiya 6:16

Nave ayo eniiwellella lamulo nenna, murendelle ni echifundo ddikhalle ni yaayo ni athu a Mulluku attheene!

Aroma 15:9

navettho wi athu ayo ehiri Ayuda ewore omutitimiha Mulluku ekaamba ya echifundwaaye wonanko mmo mawu a Mulluku enallotiiwa wi, “Sika kineerewuutitimihani variyari va athu oohimullapella Mulluku. Kineerewiipa machipo ootitimiha nnddina nanyu.”

Aroma 15:6

Sika nyuwaano attheene vamodda m'mutitimihe Mulluku Attiitthiiwa a Apwiyaahu Yesu Khrisitu.

Masalimo 85:9

Ddawoona, Mulluku tti ookhozeka wi aavulluse ayo enamoova wi ntitimiho naye nikhalle mu ellapwaahu.

Mitteko 11:14

Aneerollota wi weyaano ni nibanja nawo nittheene muvullusiwe.’

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Masalimo 27:6

Kineerewaapambana adanaaka ookaapheella, kineerovelleella mukutho mu enyumbiiwa, kineerokhuwa ni ohakallalla, kineerewiipa ni waatitimiha Apwiya.

Masalimo 22:23

Kineerollota wi, “Nyu oowoova Apwiya, atitimiheni nyu attheene edduullu dda Yakobo, ariiheni, nyu attheene Aisraele, avaheni olemu.

Yesaya 49:6

Apwiya enallota wi, “Tti ello yoovevuwa wi okhalle oorumeyellaaka, wi waavenyihe malloko a Yakobo, waahokollosella owaniwa Aisraele oohalla. Kineeroweerani wi mukhalle owala wa mitundu ddimodda dda athu, wi ovullusa waka ophiye o makomello a ellapo yavatthi.”

Masalimo 34:5

Oohoosiwa ewehille wa Apwiya, ekhove ddiwa ddaahakallalla, kheyaawulliwalle muru.

Masalimo 120:1

Kaawinllella Apwiya mu ddookatamiha ddaka nave yaakaakhulla.