Masalimo 50:22 - Mawu a Mulluku

²² Vano ganizani phaama nndda, nyu ayo munamutiwalla Mulluku wi kineerewuukhaddullani, khaavothi anaawuuvulluseni.

Masalimo 50:22 ပူးပေါင်းရင်းမြစ်များ

Yobu 8:13

Emoddamoddave yeeyo ni oomutiwalla Mulluku, etiyerello ya oohimullapella Mulluku ennamalla.

Masalimo 9:17

Athu attheene oonanara, mitundu ddittheddene ddimutiwanlle Mulluku ddineerooya o ellapo ya ookhwa.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Masalimo 7:2

Ehikitthalle wonanko mukango, ehikikhaddulle vihiri ookivullusa.

Hoseya 13:8

Kineerewaaphara wonanko echimbalangondo yawaakhiwa aniiwa, kineerewinttaka epararu ddiwa, kineerewaaparulla mowaashella murima wonanko mukango nave kineerewaakhaddulla wonanko enama yawoopiha.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

Deuteronomo 32:18

Yaatiwalla nlluku niwa oyo aaphatusalle, Mulluku oyo aavahille okumi.”

Amosi 2:14

Oothamaka khawora othawa, amasiva khakhallattho ni masiva naari akhoto khewora wiivullusa.

Yesaya 51:13

Ethiyo nyu ttaani wi mwaatiwalleke Apwiya, Oophatusaanyu ayo yaanddellellille ddooddullu, yakeraatthihalle matthipello a ellapo yavatthi? Ethiyo nyuwaano ttaani wi enthawi ddittheddene mooveke owalli wa athu awuuhoosani, ayo yoopaalliiwa tti owoonongani? Ethiyo vano owalli wa athu awuuhoosanaayo ori wuuwi?

Masalimo 10:4

Ekaamba ya wiitukhulla waye, muthu oonanara khanapwatha dda Mulluku, m'murimani mwaye anaganiza wi Mulluku khaawo.

2 Samuele 22:42

Yaakhuwa koma khaarivo naari mmodda aavullusalle, yaawinllella Apwiya koma kheyaawaakhullalle.

Luka 15:17

“Vano aadduwella olakwa waye allota m'murimani mwaye wi, ‘Allupa mutteko oowanihu aakhalla ni ddoocha ddinchichi ddawi khenawora oddimalliha koma miyaano wuno kinimakhwa ni ettalla!

Hagai 1:5

Ella sika ekaambiiwa mi Apwiya Amasiva Mattheene kinalloteemi wi mupwathe phaama meetellwaanyu.

Ezekiele 18:28

Vawi aadduwella onanara wa machimwaaye, aahiya, aneerokhalla ni okumi nave khakhwa.

Mika 5:8

Oohalla a Yakobo enaakhalle variyari va mitundu ddinchichi dda athu wonanko mukango variyari va enama ddamuhakani. Anaakhalle wonanko mukango onavira variyari va mulloko wa enkhosa oyo onnaddiphara ni oddikhaddulla, oohikhallavo ooddivullusa.

Hoseya 5:14

Kineerewaalluphella Aefuremu nave kineerewaapuramella Ayuda wonanko mukango. Kineerewaakhaddulla nave kineerovenyavo, khaavo anaawore waavullusa.”

Oollalleya 7:14

Ohakallalleke ekari yuumorella nave otulli wuumorella wuupuwelleke wi anamoriha ekari ni otulli tti Mulluku. Aneera nndda wi muthu ahidduwelleke nnddo ddinaamweereyelle muhoollo.

Deuteronomo 32:39

“Onani wi miyaano sika Mulluku mwaneena, nave khaavo mulluku mmodda. Kinniipha nave kinnavahattho okumi, kinnaphoriiha nave kinnachirihattho, khaavo oomuvullusa muthu m'mattani mwaka.

Yobu 10:7

Naari mudduwellaka wi ngilakwille khaavo anaakivulluse m'mattani mwanyu.

Masalimo 9:18

Koma ohoowa khetiwalliwa wa enthawi yoohimalla, etiyerello ya oophittiwa kheyoonongeya wa enthawi yoohimalla.