Masalimo 50:21 - Mawu a Mulluku

²¹ Weyaano waheera ddeko ddenndda, miyaano kaamoona oweha, Waganiza wi kinnaphwanaphwana ni weyaano, koma vano kinnuuhumullulla ni owoonihella nnddo weerilleewe.

Masalimo 50:21 ပူးပေါင်းရင်းမြစ်များ

Yesaya 57:11

Apwiya enallota wi, “Ethiyo tti milluku ddiivi nnddo mwaddoonilleenyu munaddoova ophiyera mwaakitiwallesesa oohikipwatha? Ethiyo moohiya okoova ekaamba yawi koheera ellapo tuu va enthawi yoorekama?

Miyambo 29:1

Awummiha nikohi ahumullulliwe aneerewoonongeya moorurumusa kheyiivo enaamuchirihe.

Masalimo 90:8

Moohiya machimwaahu vamiitthoni vanyu, ddoonanara ddahu ddoovittheya mooddoonihella vaweella.

1 Akorinto 4:5

Sika muhimweeruze arive muthu enthawi yoophwanella ehinakwakhwane, owa wa Apwiya. Eneerewooniha ddawiipittheya dda mwiipiphini nave eneerewuupullulla maganizo a athu. Nave attheene eneerewaakhella ntitimiho naye na wa Mulluku.

Yesaya 42:14

Apwiya enallota wi, Tti khalle keerelleemi ellapo tuu, kakhurumuwalleemi oohillota ello. Koma vano kiniipullella wonanko mutthiyana va enthawi yoomuyara mwaana, kinnavumella muddullu.

Oollalleya 12:14

Vallethi Mulluku aneereweeruza ddittheddene ddaweereya, ddaphaama apaalle ddoonanara naari ni ddoovittheya ddene.

Masalimo 50:3

Mullukwaahu animawa, kheera ellapo tuu. Muhoollo mwaye mookhalla mallumi amunllo, moowaapheella mwaye mutthemwene mookhalla ephevo yamasiva.

Amosi 8:7

Apwiya Mulluku, ayo edduullu dda Yakobo enakotelliiwa aallupella wi, “Ddawoona ngiwa kitiwalla ddaweera ddiwa ddittheddene.

Masalimo 73:11

Ennallota wi, “Ethiyo Mulluku anaadduwelle mwawiidde? Ethiyo Amasiva Mattheene ttuudduwella erive ello?”

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Yesaya 26:10

Oonanara mwamweerella ddaphaama khanahudderave echilungamo. Aneera ddoonanara mu ellapo yeechilungamweella, annalephela woonesesa ntitimiho na Apwiya.

2 Petro 3:9

Apwiya khenaselliwa weera nnddo yalonjezilliiwa, wonanko mmo amodda enaganizeriiwa. Koma ennuuvillellani kaambiiwa khenapaalla wi arive muthu oonongiwe koma enapaalla wi attheene erukunuwe murima.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Masalimo 50:8

Nginuuhumullullani ekaamba ya mikutho ddanyu, vawi munnavelleella mikutho ddanyu ddooshellelliha wa miyaano enthawi ettheene.

Yobu 34:33

Mulluku ttuumullaka monga munapaallelleenyu? Vawi munimakhoota nnddo Mulluku aneereeye. Nyu muthoolle oohikhalla miyaano, sika mullote nnddo munadduwelleenyu.

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.