Masalimo 50:2 - Mawu a Mulluku

² Apwiya ennawala mu Ziyoni, muzindiiwa wooreeresesa.

Masalimo 50:2 ပူးပေါင်းရင်းမြစ်များ

Masalimo 80:1

Nyu mbusa a Israele, ngiiwani nyu oyo munaahoollella athu a Yosefe wonanko mulloko wa enkhosa, nyu oyo munakhalla va akerubi* wonanko mpandwaanyu woomwene,

Masalimo 48:2

Mwaangooyo, Ziyoni tti wooreera, woohakallalliha ellapo yavatthi ettheene. Ziyoni oyo ari ompoto, tti muzinda wa Mwenaahu muullupalli.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Yawuupullulla 1:16

Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Deuteronomo 33:2

Apwiya yaawa ovenyera o Sinai, yaakhumellella wa athwiiwa ovenyera o Seiri, yahooneya ovenyera o mwaango wa Parani. Angelo ooheerengeya yaathaananana, mallumi amunllo yaari m'mattani mwa Apwiya.

Habakuku 2:20

Koma Apwiya eri mu enyumbiiwa yaweella, ellapo yavatthi ettheene yeere ellapo tuu vamiitthoni viwa.

Hoseya 5:15

Kineerohokollweella onipuroni waka ophiyera athwaaka ellakeyille nave yaambille okaashaasha. Mu ddookatamiha ddiwa, eneereweeseesa wi ekiphwanye.

Maliro 2:15

Attheene oovira m'musewuni ennoopa matta mwawuunyindulla. Ennuuttheya ni wuupukusella muru, we mwaana aamutthiyana, Yerusalemu. Alliwa enallota wi, “Ethiyo muzindoolla tti olle khalle weeriwa woodalesesa, muzinda woohakallalliha ellapo yavatthi ettheene?”

Yesaya 12:6

Nyu athu a o Ziyoni, khuwani ni wiipa moohakallalla vawi Aweella a Israele tti muullupalli variyari vanyu.”

Nchipo na Solomoni 5:16

Muwano mwaye tti moonang'aneyesesa, ddawoona, olliye tti oosilileyesesa. Olla tti ookondiwaaka, tti mukhwaaka a vamurimani, nyu anamwalli a o Yerusalemu.

Masalimo 94:1

Nyu Apwiya, tti Mulluku oohokollosella ddoonanara, nyu Mulluku oohokollosella ddoonanara, ddoonihelleni.

Zekariya 9:17

Ellapweeyo enaakhalle yooreeresesa, tirigu aneerewaallipiha asombwe, vinyo musha anerewaareeriha anamwalli.

Yesaya 26:21

Apwiya enimawa ovenyera nko enakhalliiwa wi yaallake athu a va ellapo yavatthi ekaamba ya machimwiiwa. Nikhame nawiithelliwa va ellapo yavatthi neneerewooneya vaweella nave mitembo dda athu awiiphiwa kheddiipitthiheya.

Masalimo 80:17

Koma ni nnatta nanyu mwahaateteza athu ayo mwaatthoollilleenyu, athu ayo nyuwaano mwawunnuwihalleenyu ni waallipiha wi yuurumeyelleni.

Masalimo 68:24

Nyu Mulluku, mulloko wa athwaanyu waweeta moolemu onnooneya, mulloko woomutitimiha Mullukwaaka, mwenaaka, woovollowa mu nipuro noopatuleya.

Masalimo 48:3

Mulluku ari muwari mwa muzindooyo, ooddooniha yeekhaaye wi tti ooteteza.

Masalimo 80:2

ddooniheni wa malloko a Efuremu, Benjamini ni Manase. Onihani masivaanyu, muwe wi mukivulluse.