Masalimo 50:14 - Mawu a Mulluku

¹⁴ Koma muthokozeni Mulluku wonanko mukutho, mweere ddittheddene mwallupenlleenyu wa Amasiva Mattheene.

Masalimo 50:14 ပူးပေါင်းရင်းမြစ်များ

Aheberi 13:15

Sika ekaamba ya yeella mukuthwaahu okhalle omuthokoza Mulluku oohimalla oweella mwa Yesu. Nallota wi, “Mulluku tti Apwiya” nooheraatthi mukutho.

Masalimo 56:12

Nyu Mulluku, kinapaalla weera nnddo kallupenlleemi wa nyuwaano, kineerovelleella mukutho woothokoza wa nyuwaano.

Deuteronomo 23:21

“Wallupella vamiitthoni va Apwiya Mullukwaawo ohillekelleke okwakhwaniha vawi Apwiya eneerewuuwatihera wi weere nave ozengeleza tti nichimo.

1 Petro 2:5

Waani wonanko malluku ookumi wi nyuwaano mupharihiwe mutteko voomakani enyumba ya Munepa, nko munaarumeyelleke wonanko allupa mukutho aweella oheraatthi wa Mulluku mukutho wa Munepa ni wawaakhelliwa oweella mwa Yesu Khrisitu.

Hoseya 14:2

Hokollweellani wa Apwiya ni mawu alla awi, “Munikhululukelle machimwaahu mattheene. Mwaapelle maaru oveka wahu nave nineerewuutitimihani ni eyano ddahu.

Masalimo 76:11

Llupellani wa Apwiya Mullukwaanyu, mweereke nnddo mullupenlleenyu. Attheene emwaaphenlle eweena emphaso wa oyo anaphwanella wooviwa,

1 Atesalonika 5:18

Muthokozeke mu ddittheddene. Vawi nndda sika Mulluku anapaalleeye wi mweereke nyuwaano muri mu eyaattano mwa Khrisitu Yesu.

Aroma 12:1

Sika asinnaka ni arokoraka, kinimuuvekani ekaamba ya echifundo ya Mulluku wi mwiiheraatthi nyookhaanyu wi mukhalle mukutho wookumi, waweella ni wawaakhelliwa wa Mulluku. Ella sika ettilla yaphaama yoomullapellella.

Masalimo 50:23

Koma othokoza wonanko mukutho onakititimiha, oyo aneera ddenndda, kineeromoonihella ovullusa waka.”

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Nahumu 1:15

Ngoona, omwaangoni onawa oollalleya othenga waphaama, anatthopoolla dda murendelle. Nyu a o Yuda musungeke mallapo eehakallallo, mweereke nnddo mwallupenlleenyu. Oonanara khewa yuuhellakanittho ekhoto vawi eneerotthollosiwa.

Masalimo 147:1

Aleluya! Tti waphaama wiipa machipo oomutitimiha Mullukwaahu, tti woohakallalliha ni waphaama waatitimiha.

Masalimo 65:1

Nyu Mulluku, athu eneerekewuutitimihani o Ziyoni, ddawoona, eneereweera nnddo yallupenlliiwa wa nyuwaano.

Masalimo 27:6

Kineerewaapambana adanaaka ookaapheella, kineerovelleella mukutho mu enyumbiiwa, kineerokhuwa ni ohakallalla, kineerewiipa ni waatitimiha Apwiya.

Masalimo 22:25

Kineerewuutitimihani va mutthukumano muullupalli ekaamba ya nnddo mukeerelleenyu. Ddittheddene kalonjezilleemi kineeroddeera vamiitthoni va attheene enawoovani.

Masalimo 61:8

Sika enthawi ettheene kineerewiipa machipo awuutitimihani, nllapo ni nllapo kineerekeweera nnddo kallupenlleemi.

Deuteronomo 23:22

Koma mwaahillupella, khamweesiwa oochimwa.

Deuteronomo 23:23

Sika mooneseseke wi munnakwakhwaniha weera nnddo mullupenlleenyu ni vayanoni vanyu ekaamba yawi mwallupenlle moohiwatiheriwa vamiitthoni va Apwiya Mullukwaanyu.

Deuteronomo 23:24

“Mwavollowa m'matani mwa mukhwiinyu ttuucha mpesa munchichi wonanko mmo mupaallelleenyu koma muhihiye ddimodda mootukhullellamo mwanyu.

Yobu 22:27

Oneerovekellattho wa olliye nave aneerowiiwa, oneerovelleella wa olliye ddoollupella ddawo.

Masalimo 22:26

Oohoosiwa eneerocha ni ovona, oowaashaasha Apwiya eneerewaatitimiha. Mukhalle ni okumi woorekama.

Masalimo 69:32

Oohoosiwa yiiwe nave ehakallalle, nyu munamwaashaasha Mulluku, mullipettho murima.

Masalimo 76:12

oyo anamalliha masiva a enduna oyo anawoopiha mamwene a va ellapo yavatthi.

Nahumu 2:1

Nyu a o Ninive, oohella ekhoto enimawa wi ewoonongeni, ahiyeni akhoto va mipanda, wehakani omusewuni! Khozekellani ekhoto, makani malaambaanyu!