Masalimo 5:7 - Mawu a Mulluku

⁷ Koma miyaano kineerovollowa mpa mwanyu, ekaamba ya echikondaanyu yoohisintheya. Kineerokokhora moowarama, owiitthoni wa enyumbaanyu yaweella nave kineerewuullapellani.

Masalimo 5:7 ပူးပေါင်းရင်းမြစ်များ

Masalimo 138:2

Kinnakokhora moowarama, owiitthoni wa enyumbaanyu yaweella. Kinnatitimiha nnddina nanyu ekaamba ya echikondaanyu yoohisintheya ekaambattho ya ororomelleya wanyu. Mohunnuwiha nnddina nanyu navettho mawaanyu aakhwaranya erive ello.

Masalimo 132:7

Hankoni niye onipuroni Apwiya enakhalliiwawo, naallapelle woonyingallavo manyallwiiwa.

Masalimo 69:13

Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Aheberi 4:16

Sika hankoni moohikayikella naatamelle o mpando woomwene wa Mulluku nko ori echisomo wi naakhelle echifundo, echisomo ni nikavihero mu enthawi yoophwanellella.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Daniele 6:10

Daniele iiwalleeye wi lamulonna nookeraatthihiwa aavollowa mpa mwaye. Mu echipindaaye yavaddullu mwaakhalla mawindo ooweha o Yerusalemu. Nave mwemmo aanakokhora vatthi oraru vanllaponi anavekella ni omutitimiha Mullukwaaye moollikana ni mmo eerelleeye khalle.

Yoswa 24:15

Vano waarumeyella Apwiya waawukatamihakani, mumutthoolle ollello oyo munaamurumeyellekeenyu apaalle milluku nnddo yaddirumeyelle makhollwaanyu ookhalla okhopella wa muhinje apaalle milluku dda Aamori ayo munakhalleenyuna mu ellapwiiwa. Koma miyaano ni a vanibanjani vaka ninaawaarumeyelleke Apwiya.”

Mitteko 9:31

Nave mipingo dda mu ezigawo ddittheddene dda Yudeya, Galileya ni Samariya ddaari mu enthawi yamurendelle. Vookaviheriwani ni Munepa Waweella mipingo ddahunnuwa vookhallani ni athu anchichi vawi yaanawoova Apwiya.

Hoseya 3:5

Vatulli viwa Aisraelaayo eneerohokollowa ni owaashaasha Apwiya Mulluku ni edduullu ya Davide mweniiwa. Enthawi yeeyo Aisraele eneerowoovattho Apwiya nave eneerewaakhella ddaphaama ddiwa.

1 Mamwene 8:38

mwiiwe mavekellwiiwa. Arive muthu apaalle athwaanyu a Israele yadduwella ddookatamiha m'murimani mwiwa nave yavekella wa nyuwaano mootukhullella mattiiwa muddullu o enyumbeella,

Yesaya 64:11

Enyumbaanyu yaweella ni yooreera mmo makhollwaahu yuullapelleewanimo yooshellella ni munllo. Navettho mapuro mattheene naakondeehu aatthattuwa matepe.

Masalimo 69:16

Nyu Apwiya, kaakhulleni vawi echikondaanyu yoohisintheya tti yaphaama, Kaapelleni maaru vawi echifundwaanyu tti yuullupalli.

Masalimo 55:16

Koma miyaano kinaaveka Apwiya, alliwa eneerokikavihera.

Masalimo 52:8

Koma miyaano kiri wonanko muteekho mukitthi wa olivi mu enyumba ya Mulluku. Murimaaka onakhalla va echikondaaye yoohisintheya enthawi ettheene.

Masalimo 51:1

Nyu Mulluku mukeerelle echifundo, moollikana ni echikondaanyu yoohisintheya. Muvuhellelle machimwaaka, moollikana ni echifundwaanyu yuullupalli

Masalimo 28:2

Iwani oveka waka, kaawinllellakani wi mukikavihere, kawuullapellakani mootukhullella muddullu mattaaka oweha o nipuro nanyu naweella.

1 Mamwene 8:35

“Oddullu wawalleya, murimu ahirupa kaambiiwa athwaanyu ahuuchimwellani nave yavekella va enyumbaanyu, elapa mu nnddina nanyu ni orukunuwa murima vawaallakani nyuwaano,

Masalimo 130:4

Koma nyu, munnakhululuka, wi mooviweke.

Masalimo 34:17

Athwiiwa yaawinllaka wi yaakavihere, Apwiya enniiwa ni waavullusa mu ddookatamiha ddiwa ddittheddene.

Masalimo 101:7

Aweera ddoolleka khakhalla mu enyumbaaka, oollota ddawoottha khakeraattheya vamiitthoni vaka.

Miyambo 6:16

Ddeko dditthanu ni emodda apaalle dditthanu ni piilli nnddo Apwiya eniitananiiwa nave ehiniiwananiiwana tti

Miyambo 6:17

miittho awiitukhulla, nllumi nawiisha, matta oowiipha athu oohilakwa,