Masalimo 5:5 - Mawu a Mulluku

⁵ Awiitukhulla khewora wooneyella vamiitthoni vanyu, munniitana ni athu attheene aweera ddoonanara.

Masalimo 5:5 ပူးပေါင်းရင်းမြစ်များ

Masalimo 11:5

Apwiya ennaweesa oolungama ni oonanara, enniitana ni oonanara, ooddivelliwa owukila.

Hoseya 9:15

Apwiya enallota wi, “Onanara wiwa otthewene waambeelle o Giligala. Kaambeelle wiitanana wenko. Kineerowiikariha mwiillaponi mwaka kaambiiwa makhallellwiiwa tti oonanara. Ngiwa kaakondattho, oohoollelliiwa attheene aakiwukila.

Masalimo 1:5

Ekaamba ya yeella, Mulluku aneerewaallaka athu oochimwa, khekhalla ni athu oolungama.

Mateyu 25:41

“Vano miyaano kineerollota wa ayo a o nnatta noonyottho wi, ‘Venyanivoni va miyaano, nyu ootembeleliwa ni Mulluku! Khaweni o omunlloni woohimalla oyo okharihelliwe Satana ni angelwaaye.

Levitiko 20:23

Muhinattakiheraka makhallello a mutundu wa athu ayo kinawiikariheemi nyuwaano mwaaphiyaka. Alliwa yaaneera ddenndda sika ekaambiiwa kananariweemina.

Miyambo 1:7

Owoova Apwiya tti waamba wa ezeru. Ookarangeyave sika enavevulla ezeru ni malangizo.

Habakuku 1:13

Nyu a miittho aweella, oohittumera ello yoonanara apaalle yookatamiha. Munamuttumerella tini muthu oolleka? Muneerella tini ellapo tuu oonanara yaamumiryaka oolungama wamukhwaranya alliwa?

Miyambo 8:5

Nyu athu eenamwani, chenjerani. Nyu ookarangeya, iwesesani.

Mateyu 7:23

Vano kineerewaalleella wi, ‘Nguudduwenlleni naari vang'ono. Mukivenyerevo, nyu athu aweera ddoonanara!’

Zekariya 11:8

Va mweeri mmodda kahaavenyihavo abusa araru ayo yaakishihalle murima ni wiitana ni miyaano mwawi ngaawonre waavillella.

Oollalleya 5:4

Wallupella ello wa Mulluku ohinasellihaka oyeera vawi Mulluku khanahakallalla ni ddookarangeya. Nnddo oddillupenlleewe oddeere.

Miyambo 1:22

“Nyu eenamwani, munaakhalleke eenamwani ophiyera niini? Nyu oovevulla munaavevulleke ezeru ophiyera niini? Nyu ookarangeya, munaayiiteke ezeru ophiyera niini?

Masalimo 75:4

Kinnaalleella athu awiitukhulla wi, ‘Muhiinyarulleke.’ Kinnaalleella athu oonanara wi, ‘Muhiitukhulleke ekaamba ya masivaanyu.

Masalimo 130:3

Nyu Apwiya, mweerengella machimo, ttaani ahinaaphwanyeye ni mullatu.?

Masalimo 94:8

Nyu athu ookarangeya, iwesesani, nyu oolloddowa, ethiyo munaakhalle ni ezeru niini?

Masalimo 92:6

Muthu oohikhalla ni ezeru khanadduwella, muthu ookarangeya khaniiwesesa ddenndda.

Masalimo 14:1

Muthu ookarangeya m'murimani mwaye anallota wi, “Mulluku khaawo.” Athu yaalla tti oonanara, enneera ddoottakhalla, khaavo aneera ddaphaama.

Masalimo 73:3

kaakhallelleemi ehache athu awiitukhulla kawoonilleemi athu oonanara eri ni eyuuma yinchichi.

Masalimo 10:3

Muthu oonanara anniitukhulla ni ddoopaalla ddaye, oottutthuwa ennaatembelela ni waakhoota Apwiya.

Miyambo 15:9

Apwiya ennananariwa ni ettilla ya muthu oochimwa koma ennamukonda aweera echilungamo.