Masalimo 49:17 - Mawu a Mulluku

¹⁷ Kaambiiwa aakhwaka khakusa ello, eyuumaaye khathaananana.

Masalimo 49:17 ပူးပေါင်းရင်းမြစ်များ

1 Timoteo 6:7

Vawi khanaawiillena ello navolloweehu mu ellapo yavatthi nave khaninaworattho okusamo ello vookhumanimoni.

Yobu 27:19

Anakona ni eyuumeene koma okomihera tti wenko, vookhunuullani miittho, anaphwanya ehiivo.

1 Akorinto 15:43

Waamiddiwaka onakhalla woonanara ni woofooka koma wavenyihiwa onaakhalle wooreera ni wamasiva.

Luka 16:24

Sika aakhuwa wa Abrahamu wi, ‘Attiitthaaka, mukeerelle echifundo, m'murumihe Lazaro wi atthaveye etthoka ya eyaallaaye m'maaddini nave akiriiryihena ommilloni waka vawi kinimahoowa wunchichi m'munllonimmu!’

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

Yesaya 10:3

Ethiyo muneereti va nllapo noollaka voophiyani ephevo ya namondwe yoovenyera woorekama? Ethiyo munaathawelle wa aani wi uukavihereni? Ethiyo eyuumaanyu munaahiye wuuwi?

Yesaya 5:14

Ekaamba ya yeella o ellapo ya ookhwa khonavona, onnaatthama wi omwaakhelle arive muthu. Athu oovuwa a mu Yerusalemu ni athu shisha anchichi eneeromorellamo ni olezela wiwanko.

Oollalleya 5:15

Monga mmo muthu ayarelliweeye ovenyera m'mirimani mwa amennya ahiwanre ello emoddamoddave yeeyo aneerorowa epwillimwinddive. Naari apharille mutteko wunchichi, kheyiivo eyo anaakuseeye.

Masalimo 17:14

Nyu Apwiya ni nnatta nanyu mukaakihere wa adani, wa athu ayo okumiiwa ori ni erive ello eyo enapaalliiwa. Mwaallake ni ddoohoosa nnddo mwaasungenlleenyu, aniiwa ekhallena ddinchichi, alliwattho yaahiyere aniiwa.

Yobu 1:21

allota wi, “Epwillimwinddive kaakhuma m'mirimani mwa amoowe nave epwillimwinddive kineerovollowa mu mahame. Apwiya yaavaha nave Apwiya ahaakha. Nititimihiwe nnddina na Apwiya.”