Masalimo 49:16 - Mawu a Mulluku

¹⁶ Ddihuuvoreyeke muthu mmodda aakhallaka ni eyuuma, eyuuma ya mpa mwaye yaawoonjerereyaka.

Masalimo 49:16 ပူးပေါင်းရင်းမြစ်များ

Masalimo 37:7

Khurumuwa vamiitthoni va Apwiya, waatiyere moohikhupanya. Ohinamukhupanyaka muthu oyo ddaaye ddinamweetella phaama apaalle muthu oyo anapambana mu ddoonanara nnddo addikhozilleeye.

Yawuupullulla 21:26

Mitundu ddittheddene ddineerowaana ddeko ddaphaama ni eyuumiiwa m'muzindanimmo.

Yawuupullulla 21:24

Athu a va ellapo yavatthi eneereweeta mu owalanko navettho mamwene a va ellapo yavatthi eneerowaana eyuumiiwa mwemmo.

Masalimo 37:1

Ddihuuvoreye ekaamba ya athu oonanara, ohinapaallaka okhalla wonanko athu oohilungama,

Masalimo 49:5

Ethiyo kinaawoovelleke tini va enthawi ya ddookatamiha mvo athu ookihoosa enaakaapheelliiwa?

Estere 5:11

Vano Hamani ahiitukhulla ekaamba ya waata eyuumaaye, waata wa anaaye aallopwana ni olemu oyo mwene amuvahilleeye navettho ni wi mwene aamunnuwiha waakhwaranya attekweene attheene ni allupa mutteko attheene amwene.

Genesis 31:1

Yakobo ahiiwa wi anamwani a Labani yallota wi, “Yakobo ookusa ddittheddene dda attiitthiihu. Aphwannye eyuumaaye ovenyera mu eyuuma ya attiitthiihu.”

Miyambo 28:12

Athu oolungama yapambana vinnakhalla ntitimiho nuullupalli koma oonanara yavenya athu enniipittha.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.