Masalimo 49:14 - Mawu a Mulluku

¹⁴ Enaphwanella oya o ellapo ya ookhwa wonanko enkhosa, okhwa oneerokhalla mbusiiwa. Athu oolungama eneerewaapambana, eneerokittha oya omahame, miilli ddiwa ddineerewunta, owaniwa oneerokhalla omahame.

Masalimo 49:14 ပူးပေါင်းရင်းမြစ်များ

Malaki 4:3

Va nllapo kinaanikhozeeminno, muneerewaagonjiha oonanara nave enaakhalle wonanko nthupi vatthi va manyallwaanyu. Kinallota tti mi Apwiya Amasiva Mattheene.

1 Akorinto 6:2

Ethiyo khamunadduwella wi athu a Mulluku eneereweeruza ellapo yavatthi? Nave mwawora weeruza ellapo yavatthi, khamuwora weeruza millatu dding'onong'ono?

Daniele 7:22

ophiyera mvo oyo aarivo khalle aphiyalleeye. Sika echiweruzo yaaweetella phaama aweella a Mulluku Amasiva Mattheene. Ella sika enthawi eyo aweella yaakhenlliiwa omwene.

Yobu 30:23

Vawi kinnadduwella wi munakiyaana wuukhwaani, o nipuro wookumanella ookumi attheene.

Aroma 8:36

Mawu a Mulluku eni, “Mallapo mattheene ninnoopopihiwa wi niiphiwe ekaamba ya nyuwaano, nineesiwa wonanko enkhosa ddinaya wawiiphiwa.”

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Masalimo 39:11

Munnamullaka muthu voomuhumullullani ekaamba ya machimwaaye, munnoononga nnddo anaddikondeeye wonanko enjenjete. Ddawoona, arive muthu tti mpweyave.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Hoseya 6:3

Hankoni nillipihelle waadduwella Apwiya. Eneeronihokollweella wonanko waayaaka ni osa, owa wiwa onaakhalle madaliso wonanko murimu, murimwiine ntthokollapallaka oyo anoollowiha ethaya.

Yeremiya 12:3

Koma Apwiya munnakidduwella, munnakiweha nave munneesa murimaaka wi moone kaarimi kuukondakani. Mwaapurulle athu oonanara wonanko enkhosa ddookuselliwa wawiiphiwa, mwaahiye vakhwipi ophiyera nllapo nawi yiiphiwe.

Oollalleya 12:7

Vano mwiilli oneerohokollweella mu ethaya wonanko wakhallelliiwa. Munepa oneerohokollweella wa Mulluku mwaneena oyo awuvelleellille.

Masalimo 47:3

Alliwa aanigonjihella athu anchichi, yaaneeriha wi nilamulelle mitundu ddimodda.

Masalimo 44:11

Nyuwaano moonitthattusa enkhosa ddooya wowiiphiwa, moonipallallesa variyari va mitundu ddimodda athu.

Masalimo 9:17

Athu attheene oonanara, mitundu ddittheddene ddimutiwanlle Mulluku ddineerooya o ellapo ya ookhwa.

Yobu 21:26

Koma attheene ennakhwa ennavitthiwa mu mahame, ennakonaatthi vamodda ni mapwihi.

Yobu 21:13

Mallapwiiwa ennavira ehakallallaka, enakitthella o ellapo ya ookhwa.

Yobu 4:21

Ethiyo ddittheddene eriiwana kheddinamallella nimodda? Ennakhwa koma moohikhalla ni ezeru.”