Masalimo 49:13 - Mawu a Mulluku

¹³ Ddenndda sika ddinaamorella athu ayo eniiroromella mookarangeya, tti omalla wa attheene enathwara maganizo awi ddiidda.

Masalimo 49:13 ပူးပေါင်းရင်းမြစ်များ

Luka 12:20

Nave Mulluku aallota wa olliyooyo wi, ‘Muthu ookarangeya we! Mahiiyu vaava okumaawo oneeromalla, ttaani anaavahiwe ddeko ddittheddene odduukellenlleewe weekha?’ ”

1 Akorinto 3:19

Vawi eyo eneeriiwa ya ezeru va ellapo yavatthimva tti yoohikhalla ni ezeru vamiitthoni va Mulluku. Moollikana ni mawu a Mulluku awi, “Mulluku anaphariha mutteko ochenjera wa athu eezeru wonanko musampha vawaapharani alliwaayo,”

Yeremiya 44:17

Koma nineere ddittheddene nnddo nallupenlleehu. Nineeromoosella lubani mwene aamutthiyana ooddullu ni omuheraatthella mikutho ddaddoowirya wonanko neerelleehu ni makhollwaahu, mamwenaahu ni enduna ddahu m'mizindani dda o Yuda ni m'misewuni dda o Yerusalemu. Enthawi yeeyo naakhalla ni yoocha yinchichi nave naanavona voohikhalla ddookatamiha.

Oollalleya 3:19

Nnddo ddinaweereyella athu, ddiinnereyellattho enama, ennakhwa. Ddittheddene ddinnavuma mpweya mmoddamoddave yooyo, muthu khanakhwaranya enama. Ddittheddenenndda khaddinna mutteko.