Masalimo 48:10 - Mawu a Mulluku

¹⁰ Nyu Mulluku monga nnddina nanyu emoddamoddave yeeyottho ntitimiho nanyu ophiyera wookomella ellapo ettheene yavatthi. Nnattanatta nanyu nooddalla ni echilungamo.

Masalimo 48:10 ပူးပေါင်းရင်းမြစ်များ

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Masalimo 113:3

Nititimiheye nnddina na Apwiya waambeella wookhuma nndduwa ophiyera woovollowa nndduwa.

Deuteronomo 28:58

“Mwiiwellelleke moororomelleya malamulo mattheene ayo elembiwe mu nibukhunna wi mooveke nnddina noottikhiniha ni nawoopiha na Apwiya Mullukwaanyu.

Yoswa 7:9

Akanani ni athu amodda attheene ookhalla mwiillaponimmu eneerewiiwa nave eneeronaapheella ni oniipha attheene. Ethiyo vano nyuwaano munaaweere tini oteteza nnddina nanyu nuullupalli?”

Yesaya 41:10

Ohoove kaambiiwa mi kiri ni weyaano, ohitathille murima vawi mi tti Mullukwaawo. Kineerewuuvaha masiva, kineerewuukavihera, kineerewuuteteza ni nnattanatta naka noogonjiha.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Malaki 1:14

Vano atembeleliwe muthu oolleka oyo anavelleella wa miyaano mukutho wa echiweto yoohikhalla ni mutteko komave arina mwa eziweto ddaye yaphaama eyo alonjezilleeye okivaha! Vawi miyaano tti mwene muullupalli nave athu a mitundu ddittheddene ennakoova.” Mi Apwiya Amasiva Mattheene koollota.

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 99:4

Nyu mwene amasiva, ookonda echilungamo, mookeraatthiha ddoollikana, weeruza woolungama mwa Yakobo.

Masalimo 45:7

Munnakonda echilungamo, munniitana ni ddoonanara. Sika ekaambiiwa Mulluku, Mullukwaanyu, uuzozilleeyeni ni makhura oohakallalliha waakhwaranya akhwiinyu attheene.

Masalimo 11:7

Vallethi Apwiya tti oolungama, ennakonda ddaweera ddoolungama, oolungama eneerewoona ekhoviiwa.

1 Epilli 16:14

Alliwa tti Apwiya Mullukwaahu, ennalamulella ellapo yavatthi ettheene.