Masalimo 48:1 - Mawu a Mulluku

¹ Apwiya tti uullupalli, tti oophwanella waatitimiha wunchichi, m'muzindani mwiwa, vamwaangoni viwa vaweella.

Masalimo 48:1 ပူးပေါင်းရင်းမြစ်များ

Mika 4:1

Va mallapo a muhoollo mwaango wa enyumba ya Apwiya oneerotthattusiwa woorekamesesa okhwaranya miyaango ddittheddene. Athu ddineerothamakella omwaangoninko,

Zekariya 8:3

Mi Apwiya Amasiva Mattheene kineerohokollweella o Ziyoni nave kinaakhalleke o Yerusalemu, muzindaaka waweella. Sika Yerusalemu aneeroromolliwa Muzinda Woororomelleya. Mwaango wa mi Apwiya Amasiva Mattheene oneeroromolliwa Mwaango Waweella.

Masalimo 96:4

Apwiya tti uullupalli, tti oophwanella otitimihiwa wunchichi, owoova okhwaranya milluku ddittheddene.

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Masalimo 145:3

Apwiya tti uullupalli, oophwanella otitimihiwa wunchichi, wunnuwa wiwa tti wookatamiha owiiwesesa.

Yawuupullulla 21:2

Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.

Masalimo 87:3

We muzinda wa Mulluku, athu ennallota ddinchichi ddawuuriiha.

Yawuupullulla 19:5

Nave mawu yaavenyera o mpando woomwene wooddullu oollota wi, “Aleluya! Oorumeyellaaye attheene a Mulluku ni athu attheene ayo enamoova olliye, uullupalli ni ang'onong'ono, emutitimihe!”

Mateyu 24:15

“Vano muneerewoona ‘Yoonanara Yawoononga’ elle yaallotiwe ni Daniele namallotella yiimenlle mu nipuro noopatuleya.” (Oyo aneerenga mawaalla iiwesese ottaphullella wiwa.)

Masalimo 99:9

Atitimiheni Apwiya Mullukwaahu, allapelleni o mwaangwiiwa waweella, Apwiya Mullukwaahu tti aweella.

Masalimo 87:1

Apwiya aakeraatthiha muzindiiwa vamwaangoni waweella.

Masalimo 86:10

vawi nyuwaano tti muullupalli, munneera ddeko ddoottikhiniha, nyeeneve sika Mulluku.

Masalimo 78:68

Koma anithoollille nlloko na Yuda, mwaango wa Ziyoni oyo awukondeeye.

Masalimo 65:1

Nyu Mulluku, athu eneerekewuutitimihani o Ziyoni, ddawoona, eneereweera nnddo yallupenlliiwa wa nyuwaano.

Masalimo 47:8

Mulluku annalamulella mitundu ddittheddene dda athu, annakeraatthi va mpandwaaye woomwene waweella.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Obadiya 1:17

“Koma va mwaango wa Ziyoni amodda eneerothawellawo nave onaakhalle nipuro naweella. Athu a Yakobo eneerokhalla ni ellapo wi ekhalle yoohallaniiwa

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Yesaya 27:13

Nllapo nenno nipallapata nuullupalli nineerewinlla owiithana Aisraele attheene ayo yaari wuukaporoni o Asiriya ni o Iguputo. Alliwa eneeroowa nave eneerewaallapella Apwiya va mwaangwiiwa waweella o Yerusalemu.

Masalimo 147:5

Apwiyaahu tti uullupalli, tti amasiva manchichi, ezeru ddiwa khaddinna vookomella.

Masalimo 30:1

Kineerewuutitimihani, nyu Apwiya, vawi mookikhumiha ovenyera moowallamella. Khamwaakhullenlle wi adanaaka ehakallallelle ohoosiwa waka.

Nehemiya 9:5

Vano Alevi monga Yeshuwa, Kadimiyele, Bani, Hashabuneiya, Hodiya, Shebaniya ni Petahiya yaallota wi, “Ngavenyani naatitimihe Apwiya Mullukwaanyu enthawi ddittheddene. Nidalisiwe nnddina niwa nootitimiheya nno ninawellihiwa okhwaranya madaliso ni ollapella wutthewene.”

Masalimo 42:1

Monga mmo epaalla enapaallelliiwa muhinje wa maaddi, tti mwemmo murimaaka onuupaallelliiwani, nyu Mullukwaaka.