Masalimo 47:1 - Mawu a Mulluku

¹ Nyu athu a mitundu ddittheddene, opani matta, khuwellani wa Mulluku voowiipani machipo oohakallalla.

Masalimo 47:1 ပူးပေါင်းရင်းမြစ်များ

Masalimo 106:47

Nyu Apwiya Mullukwaahu, nivulluseni, nitthukumaniheni ovenyera variyari va athu a mitundu ddimodda wi nithokoze nnddina nanyu naweella, wi nikotelleke otitimiheya wanyu.

Masalimo 98:4

Nyu ellapo yavatthi ettheene, khuwellani moohakallalla wa Apwiya, wiipelleni moothapella machipo owaatitimiha.

Yeremiya 31:7

Apwiya enallota wi, “Mwiipelleni moohakallalla Yakobo, muwukhuwelle wunchichi mutundu wookhwaranya mitundu ddittheddene. Llalleyani, titimihani wi, ‘Apwiya ahaavullusa athwiiwa, aawoopolla oohalla a Israele.’

Yesaya 55:12

Nyu athwaaka, Muneerovenyawo o Babiloni moohakallalla, eneerewuukhumihani m'muzindanimmo mwamurendelle. Miyaango ni asimiyaango ddineerowiipellani nchipo, miteekho ddamuhakani ddittheddene ddineerowoopellani m'mattani.

Masalimo 46:1

Mulluku sika woothawella waka ni masivaaka, tti ookhozeka onikavihera va enthawi ya ddookatamiha.

Masalimo 47:5

Mulluku oowella, athu ennamukhuwella. Apwiya aawella, athu ennawiipella nipallapata.

2 Mamwene 11:12

Sika ahaakhumihella mwaana a mwene, amuwariha enduwira yoomwene, amwinnya nibukhu na malamulo nave amuzoza amuvollochiha omwene. Athu yaamoopella m'mattani ellota mookhuwa wi, “Mwene akhalle ni okumi woorekama.”

2 Samuele 6:15

Sika olliye ni Aisraele attheene yaawa ni nibokosi na echipangano na Apwiya ekhuwaka nave yiipaka mapallapata.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Zekariya 4:7

Ethiyo we mwaango woorekama, wettho ttaani? Oneerotthattuwa nipuro noomwaramwareya vamiitthoni va Zerubabele. Nave yawaana nlluku noomalliha na va enyumbaaka, voonihiyani vaddullu, athu eneerokhuwa wi, ‘Oreera, oreera!’ ”

Masalimo 98:8

Mihinje ddoope matta, miyaango ddikhuwe vamodda moohakallalla

2 Epilli 13:15

Vaavo akhoto a Ayuda yaakhuwa moollipiha nave Apwiya yaamugonjiha Yerobowamu ni Aisraele attheene vamiitthoni va Abiya ni Ayuda.

1 Samuele 10:24

Vano Samuele ahaakoha wi, “Ethiyo munnamoona muthu oyo Apwiya emutthoonlliiwa? Khaavo mmodda oophwanaphwana ni yoolla variyari vanyu.” Sika athu attheene yaakhuwa wi, “Amwene ekhalle ni okumi woorekama!”

Zefaniya 3:14

Nyu athu a o Ziyoni, ipani moowelliha, nyu Aisraele, khuwani. Hakallallani, thapellani ni murimaanyu muttheene, nyu ookhalla mu Yerusalemu.

Masalimo 42:1

Monga mmo epaalla enapaallelliiwa muhinje wa maaddi, tti mwemmo murimaaka onuupaallelliiwani, nyu Mullukwaaka.