Masalimo 46:9 - Mawu a Mulluku

⁹ Ennamalliha ekhoto va ellapo yavatthi ettheene. Enninttaka muura, ennakotholla nivaka, ennaahella munllo magareta akhoto.

Masalimo 46:9 ပူးပေါင်းရင်းမြစ်များ

Yesaya 2:4

Apwiya eneereweeruza variyari va mitundu dda athu, eneeromalliha ohiiwanana variyari va malloko manchichi. Athu eneerohana masupadiiwa wi ekhalle ehipa ni mavakiiwa wi ekhalle ezikwakwa. Mitundu dda athu khaddiwa ddiimesellanattho masupada, khaddiwa ddihudderattho ddoowana ekhoto.

Mika 5:10

Komave Apwiya enaalleella Aisraele wi, “Va nllapo nenno kineerowoononga akavalwaanyu attheene ni kineerewinttaka magaretaanyu.

Yesaya 60:18

Eziwawa kheddiwa ddiiweyattho, ellapwaawo khewa yoonongeyattho. Kinaakhalle wonanko mpanda wawuuteteza, oneerokititimiha ekaamba yawuuvullusa.

Yesaya 11:9

Khavikhalla erive ello yoovoreya apaalle yawoononga va mwaango woopatuleya wa Apwiya. Vawi ellapo yavatthi ettheene eneeroddalla ni waadduwella Apwiya wonanko enyanja enaddallelliiwa ni maaddi.

1 Samuele 2:4

Akhoto amasiva, miira ddiwa ddinniinttakeya koma athu oofooka ennakhalla ni masiva.

Yoswa 11:9

Yoswa aheera nnddo Apwiya yalamulalliiwa. Yahaaphoriiha akavalo attheene, ewoosa magareta.

Ezekiele 39:3

Kineerewinttaka muuraawo wawuunyotthoni ni wuutathilliha mipaamba ddawo dda o nnattanatta nawo.

Yoswa 11:6

Apwiya yaamulleella Yoswa wi, “Ohinawoova yaayo. Osiisello enthawi wonanko yeella, attheene eneerewiiphiwa vamiitthoni va Aisraele. Akavalwiiwa mwaaphoriihe nave muwoose magaretiiwa.”

Masalimo 66:5

Waawoni moone nnddo Mulluku eerilleeye, mitteko ddaye ddoottikhiniha variyari va athu.

Yesaya 10:23

Ddawoona, Apwiya Mulluku Amasiva Mattheene eneerewoononga ellapo ettheene wonanko mmo alamulelleeye.