Masalimo 46:2 - Mawu a Mulluku

² Ekaamba ya yeella khannoova naari ellapo yavatthi etikheye, naari miyaango ddimorenlle variyari va enyanja,

Masalimo 46:2 ပူးပေါင်းရင်းမြစ်များ

Masalimo 23:4

Naari keeteke mu ntapo na muuthuuchi wa okhwa kheyiivo yoonanara kinaayoovekeemi, vawi nyu Apwiya munnakhalla ni miyaano, ekoondaanyu ni ekopwaanyu ddinnakiteteza.

Aheberi 13:6

Hankoni nillipe murima ni ollota wi, “Apwiya yakhalla o embalaaka, ngoova. Muthu ttuukeerella tini?”

Masalimo 27:3

Naari mulloko wakhoto okaapheelle, murimaaka khotthukumella naari vang'ono. Naari ekhoto enyanyuwe ollipana ni miyaano, ngihiya wuuroromellani.

Mateyu 21:21

Yesu ahaakhulla wi, “Ddawoona, kinimuulleellani wi mwakhalla ni echikhulupililo ni oohikayika, khamweera yeellave kenreemi va muteekho wanamukuyoolla koma naari ollota wa mwaangoolla wi, ‘Venya wiivokhelle weekha mu enyanja,’ eneereweereya.

Luka 21:33

Oddullu ni ellapo yavatthi ddineeromalla koma mawaaka khemalla. Ddaaphuwaka makukhu anaanweene munnadduwella wi ellimwe yohaatamella.

Masalimo 82:5

Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.

2 Samuele 22:3

Alliwa tti Mullukwaaka nlluku naka kinathawelleemiwo. Sika echishangwaaka, masiva ookivullusa, mpandaaka ni yookiipitthihaaka, nyu sika munakoopolla vakhotoni.

Masalimo 28:7

Apwiya sika masivaaka, alliwa tti echishangwaaka. Murimaaka onnaaroromella, vawi alliwa aakikavihera. Sika murimaaka woohakallalla, kinnathokoza ni echipwaaka.

Masalimo 37:39

Ovullusiwa wa oolungama onavenyera wa Apwiya. Apwiya sika woothawellawo wiwa va enthawi ya ddookatamiha.

Masalimo 59:17

Nyu masivaaka, kineerekowiipellani machipo awuutetheellani, vawi nyu Mulluku sika mpandaaka, Mulluku ookoonihella echikondi yoohisintheya.

Masalimo 62:8

Nyu athu, hiyani murimaanyu va olliye enthawi ettheene, mumulleelle ddittheddene dda m'murimani mwanyu. Mulluku sika woothawella wahu.

Masalimo 62:9

Athu shisha tti mpweyave athu ootukhuwa tti awoottha, attheenaayo tti oohillemella vasikeloni ni oveveluwa okhwaranya mpweya.

Masalimo 91:2

aneerollota wa Apwiya wi, “Nyu tti woothawella waka ni mpandaaka, Mullukwaaka oyo kinamuroromelleemi.”

Masalimo 142:6

Iwani winlla waka, vawi kootathilla murima. Kivulluseni wa athu ookihoosa, kaambiiwa aakikhwaranya masiva.

Yeremiya 14:8

Nyu Apwiya tti etiyerello ya Israele, oovullusaaye va enthawi ya ddoohoosa. Kaambiiwa tini munakhalleenyu wonanko mulleto mu ellapo ella, wonanko avoolendoni ookona mahiiyu mamodda?

Nahumu 1:7

Apwiya tti aphaama, sika woothawella va enthawi ya ddoohoosa, ennaadduwella attheene oothawella wa alliwa.