Masalimo 45:6 - Mawu a Mulluku

⁶ Nyu Mulluku, mpandwaanyu woomwene tti wa enthawi yoohimalla, munneeruza moolungama mu omwenaanyu.

Masalimo 45:6 ပူးပေါင်းရင်းမြစ်များ

Masalimo 93:2

Mpandwaanyu woomwene, waakeraattheya waambeella khalle, nyuwaano mwaakhallawo ovenyera khalle.

Yohane 1:1

Vawaambawaamba oyo aneeriwa Mawu aari arivo khalle. Mawu yaayo yaari wa Mulluku nave Mawu yaalla tti Mulluku.

1 Timoteo 3:16

Ndithu, ella tti yoovittheya yawoona yuullupalli ya echikhulupililwaahu yawi, “Yooyo ahuupullulliwa mu mwiilli wa muthu, Munepa aamweerella omboni wi olliye tti awoona. Nave ahooniwa ni angelo. Aallalleyiwa mwa athu a mitundu ddittheddene, aakhulupililiwa mu ellapo yavatthi ettheene, nave aawellihiwa oddullu mu ntitimiho.”

Masalimo 145:13

Omwenaanyu tti omwene wa enthawi yoohimalla, olamulellwaanyu tti wa mibado ddittheddene. Apwiya tti oororomelleya va mawiiwa mattheene, tti eechifundo va ddaweera ddiwa ddittheddene.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Masalimo 89:29

Kineerokeraatthiha edduullu ddaye wa enthawi yoohimalla, mpandwaaye woomwene wonanko mallapo ooddullu.

Masalimo 98:9

vamiitthoni va Apwiya vawi enimawa wi yeeruze ellapo yavatthi. Eneereweeruza ellapo ettheene mweechilungamo, mitundu ddittheddene moohiweha ekhove.

2 Samuele 23:4

anaaphiyera wonanko owala woohinase, anakhallattho wonanko murimu oyo anamelliha munyepu muthayani.

Numeri 24:8

Mulluku ahaakhumiha mu Iguputo. Okhalla ni masiva wonanko enari. Aneerewiipha mitundu dda adanaaye, aneeropwesa makhuviiwa, aneerewaaphovolla ni mipaamba ddaye.

Deuteronomo 32:42

Kineerolezeliha mipaamba ni nikhame na adani, nsupada naka nineerohoma muhehiiwa. Oohomiwa ni akaporo nikhame niwa nineereweetellella, miru ddiwa dda meehi oorekama ddineerophaddiwa.”