Masalimo 45:4 - Mawu a Mulluku

⁴ Oneyani mu oriiheya wanyu, muteteze yawoona, wiiyeviha ni echilungamo, nnatta nanyu noonihe mitteko ddanyu ddawoopiha.

Masalimo 45:4 ပူးပေါင်းရင်းမြစ်များ

Masalimo 65:5

Nyu Mulluku, oonivullusaahu, munnanaakhulla voonivullusani ni mitteko ddanyu ddoottikhiniha. Athu a va ellapo yavatthi ettheene vakhopella va enyanja ya woorekamella attheenaayo ennuuroromellani.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yawuupullulla 6:2

Kaaweha nave kaamoona kavalo aweella. Oomuwellooyo apharenlle muura nave aavahiwa korona.* Vano aakhumellella wonanko oopambana wi aagonjihe adanaaye.

Mateyu 11:29

Mukiiwellelleke miyaano wonanko eng'ombe ddatukhulla nigoli.* Navettho muhuddere wa miyaano kaambiiwa miyaano tti oomaalleya ni owiiyeviha, sika muneerewiithuuwa.

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Yawuupullulla 11:18

Athu oohimullapella Mulluku yaasha murima, koma enthawaanyu yoosha murima yoophiya, enthawi yawi ookhwa yeeruziwe. Enthawi yowaathuva oorumeyella, anamallotellaanyu yoophiya, nave athwaanyu attheene, ayo enawoovani, uullupalli ni ang'onong'onweene. Enthawi yoophiya yoowoononga ayo enoononga ellapo!”

2 Atesalonika 3:1

Voomallihella, asinnihu ni arokorihu, munivekellelleke hiyaano wi othenga wa Apwiya ovirellelleke ovuwa mwawaakuva navettho waakhelliwe ni ntitimiho, wonanko mmo weerelliiwa mwa nyuwaano.

1 Atesalonika 2:13

Nave vookhalla ekaamba emodda ninamuthokozelleehu Mulluku erive enthawi. Ella tti yawi mwahaakhella othengaahu ohiri wonanko othenga woovenyera wa athu koma wonanko othenga wa Mulluku. Ddawoona olla tti wa Mulluku oyo onaphara mutteko mwa nyuwaano munakhulupilila.

1 Atesalonika 1:5

Vawi naahuukusellani othenga waphaama, ohiri ni mawuve navettho ni masiva ni Munepa Waweella navettho moohikayikella yawoona. Munnadduwella mmo napaallelleehu wuukaviherani nakhalleehu ni nyuwaano.

2 Akorinto 10:1

Miyaano Paulo, oyo athu enakeera oomaalleya ni oolleva kakhalla ni nyuwaano koma ootokollolla karekamella, kinimuuvekani mwa meekhaaka ekaamba ya wiiyeviha ni oreera murima wa Khrisitu.

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Masalimo 60:4

Komave moowelliha embendela wa ayo enawoovani wi evulluwellewo muura.

Masalimo 2:9

Oneerewaanyenya ni ekopwaawo ya mukoko ni waakhaddulla enyenyeri enyenyeri wonanko epalli.’ ”

Yawuupullulla 20:15

Attheene ayo manddiniiwa yahilembiwe mu nibukhu na akumi yaavokhelliwa munyanja ya munllo.

Yesaya 11:5

Echilungamo enaakhalle laambaaye, ororomelleya onaakhalle yoomakella muyuununi mwaye.