Masalimo 44:3 - Mawu a Mulluku

³ Alliwa kheyaawakhille ellapo voopharihani mutteko nsupada niwa, kheyaapambanille vakhotoni ekaamba ya masiviiwa. Koma yaagonjiha ekaamba ya masivaanyu, ekaamba ya owala wa ekhovaanyu vawi mwaahakallallana.

Masalimo 44:3 ပူးပေါင်းရင်းမြစ်များ

Yoswa 24:12

Tti miyaano karumihalle ddoollumanndde wi ddaahoose mamwene Aamoraalle nave attheenaayo yahiikarihiwa vamiitthoni vanyu. Khehiyo masupadaanyu apaalle miira ddanyu ddeerihalle ddenndda.

2 Akorinto 4:7

Nave hiyaano nirina eyuuma ya Munepa niri wonanko mino wi noonihe wi masiva muullupalli tti a Mulluku, ohiri a hiyaano.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Masalimo 77:15

Ni nnatta nanyu namasiva, mwaawoopolla athwaanyu, edduullu dda Yakobo ni Yosefe.

Masalimo 20:6

Vano kinnadduwella wi Apwiya ennamoopolla oozoziwiiwa.* Ennamwaakhulla eri oddullu, onipuroni niwa naweella, voomuvullusani mwamasiva a nnattanatta niwa.

Deuteronomo 10:15

Komave Apwiya yahaakondesesa makhollwaanyu vawi munipuroni mwawaatthoolla athu amodda, yaatthoolla edduullu dda makhollwaanyu, sika wi nyuwaano, ophiyera ollello.

Eksodo 15:16

Attheenaayo ennoova wunchichi. Ekaamba ya masivaanyu muullupalli, alliwaayo eri ellapo tuu wonanko nlluku, ophiyera athwaanyu, nyu Apwiya, eviralle, athu mwawooponlleenyu wuukaporoni.

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Masalimo 42:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

1 Samuele 12:22

Apwiya kheyaatathilla athwiiwa wi nnddina niwa nuullupalli nihivevuwe vawi yahuutthoollani nyuwaano wi mukhalle athwiiwa.

Masalimo 74:11

Kaambiiwa tini munahokolloseenyu nnatta nanyu noonikavihera? Nnatta nanyu ninakhallella tini vakhakaddani vanyu?

Masalimo 17:7

Onihani echikondaanyu yoohisintheya vaweerani ddoottikhiniha, nyuwaano munnaavullusa ni nnattanatta nanyu namasiva, attheene ayo enawa wa nyuwaano yaawaathawaka adaniiwa.

Masalimo 4:6

Anchichi enallota wi, “Ttaani anaanoonihelle ddaphaama.” Niwalihelleni ekhovaanyu Apwiya!

Numeri 14:8

Apwiya yaarimi ehakallallaka ni hiyaano, eneeronivollochiha mu ellapo ya mukaka ni enwi nave eneeronivaha wi ekhalle yaahu.

Yesaya 63:12

Ethiyo ttaani oyo eerille ddeko ddoottikhiniha ni masivaaye muullupalli oweella mwa Mose? Ahaakawa maaddi a mu enyanja athwaaye yoonaka wi nnddina naye nititimihiwe wa enthawi yoohimalla.”

Masalimo 80:16

Adanaanyu aawuhella munllo, aawuuha, aweheni alliwaayo moonanariwa wi yoonongeye.

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

2 Samuele 7:23

Ethiyo tti athu aavi va ellapo yavatthi enaphwanaphwana ni athwaanyu Aisraele ayo mwaavullusalleenyu wi ekhalle aanyu? Mwahaavullusa ovenyera o Iguputo ni milluku ddaye nave mwaheera ddeko dduullupalli ddawoopiha voowiikarihani mitundu ddimodda vamiitthoni viwa. Mmu sika mwavuwihelleenyu nnddina nanyu.

2 Epilli 20:7

Nyu Mullukwaahu, ethiyo khemwaawiikanre aneetthi amwiillaponimmu ehinaphiyemo Aisraele athwaanyu nave muyivaha wa edduullu dda Abrahamu mukhwiinyu wa enthawi yoohimalla?

Masalimo 78:55

Ahiikariha mitundu ddimodda dda athu waavenyihamo muttilla, aayikawakawa ellapwiiwa wi ekhalle yoohallana ya athwaaye, aakeraatthiha malloko a Israele m'misasani mwa athwaayo.

Masalimo 80:9

Mwaawullimella emata mpesooyo omella misisi ddoowallamella, oddalla mu ellapweeyo.

Masalimo 111:6

Ennawoonihella athwiiwa masiva a mitteko ddiwa, vawaavahani yoohallana ya athu a mitundu ddimodda.