Masalimo 43:3 - Mawu a Mulluku

³ Rumihani owala wanyu ni yawoonaanyu wi ddikihoollelle, ddikiphiyihe omwaangonaanyu waweella, onipuroni wookhalla nyuwaano.

Masalimo 43:3 ပူးပေါင်းရင်းမြစ်များ

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Yohane 1:4

Mwa yaayo mwaakhalla okumi nave okumooyo waari owala wa athu.

Masalimo 143:10

Kihuddiheni weera ddoopaalla ddanyu vawi nyuwaano tti Mullukwaaka. Munepaanyu waphaama okihoollelle va yoomwaramwarelliwa phaama.

Masalimo 119:105

Mawaanyu tti enyali ya omanyalloni waka, ennamolleella ettillaaka.

Masalimo 97:11

Owala onnaaphiyella athu oolungama, ooreera murima ennahakallalla.

Masalimo 84:1

Nyu Apwiya Amasiva Mattheene, nipuro nno munakhalleenyumo, tti nookondiwa wunchichi.

Masalimo 40:11

Muhinakivenyihera echifundwaanyu, nyu Apwiya, echikondaanyu yoohisintheya ni ororomelleya wanyu ddinnakisunga.”

Yohane 1:17

Mulluku aanivaha malamulo oweella mwa Mose koma echisomo ni yawoona ddaawa oweella mwa Yesu Khrisitu.

Mika 7:20

Muneerewooniha ororomelleya wanyu va Yakobo ni echikondaanyu yoohisintheya va Abrahamu monga mwallupenlleenyu khalle wa makhollwaahu.

Masalimo 57:3

Mulluku aneerokaakhulla ari oddullu nave aneerokivullusa. Anaarewaagonjiha ookinyingallella, aneerokooniha echikondaaye yoohisintheya ni ororomelleya waye.

Masalimo 3:4

Kinnakhuwella wa Apwiya wi ekiiwe. Alliwa ennakaakhulla ovenyera va mwaangwiiwa waweella.

Mika 7:8

We mudanaaka, ohikittheye vawi naari kiikuhalle kineerovenyattho. Naari kiri mwiipiphini, Apwiya sika enaakhalle omolleella waka.

Masalimo 78:68

Koma anithoollille nlloko na Yuda, mwaango wa Ziyoni oyo awukondeeye.

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Masalimo 42:4

Murimaaka onnavoreya kaawuupuwellaka mmo keetelleemi ni athu anchichi, vawaahoollellani o enyumba ya Mulluku, athu anchichi ekhuwaka moohakallalla, yiipaka machipo oothokoza, yeeraka ehakallallo.

Masalimo 2:6

Apwiya enallota wi, “Kaamutthoolla khalle mwenaaka, vamwaangoni waweella wa Ziyoni.”

1 Epilli 16:1

Vano athu yaawaana nibokosi na Mulluku nave yaanihiya va nipuro niwa muwari mwa musasa atthipenlle Davide. Vano yaavelleella mikutho ddooshellelliha ni dda eyaattano wa Mulluku.

1 Epilli 16:39

Vano Davide aamuhiya Zadoki, mullupa mukutho ni allupa mukutho akhwaaye o musasa wa Apwiya, nipuro noollapellamo o mwaango wa Gibiyoni.

2 Samuele 15:20

Weyaano owiille oddilloddillova. Ollello kuukuse weeteeteke ni miyaano? Nko miyaano mwaneenaka kinayeemiwo nginadduwellawo. Hokollowa ni athwaawo nave Apwiya yuukonde nave eweerelle ddaphaama moollikana ni ororomelleya wiwa.”

1 Epilli 21:29

Musasa wa Apwiya oyo Mose amakilleeye muchipululuni mulle ni nikuwa na mukutho wooshellelliha, ddittheddene ddaari nipuro noollapellamo o mwaango wa Gibiyoni

2 Samuele 15:25

Vano mwenoolle amulleella Zadoki wi, “Tukhullani nibokosi na echipangano na Apwiyanna muhokollweellena m'muzindani. Apwiya yakeerella echifundo eneerokihokollosa wi kinoonettho nibokosi na echipangano ni nipuro niwa nene.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.