Masalimo 42:3 - Mawu a Mulluku

³ Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

Masalimo 42:3 ပူးပေါင်းရင်းမြစ်များ

Masalimo 79:10

Kaambiiwa tini athu a mitundu ddimodda enallotiiwa wi, “Ethiyo Mullukwiiwa ari wuuwi?” Mwaakhullelle wi niwooneni mwaawaahokollosellaka yoonanara, ekaamba yowaakhumiha nikhame oorumeyellaanyu.

Masalimo 115:2

Kaambiiwa tini mitundu ddimodda ddinaallotekiiwa wi “Mullukwiiwa ari wuuwi?”

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Masalimo 102:9

Miyaano kinnacha ntuura wonanko yoocha, yoowiryaaka ennattakanyihereya ni miitthori

Masalimo 80:5

Mohaachiha miitthori wonanko yoocha, mohaawiryiha miitthori wonanko yoowirya.

Masalimo 42:10

Ovevulla wa adanaaka onnakivoreya wonanko nikhwata nookhwana na m'mwiillini mwaka, yaakikohaka enthawi ettheene wi, “Mullukwaawo ari wuuwi?”

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Masalimo 79:12

Nyu Apwiya, ovevulla wulle athu yuuvevunlliiwani mwaahokolloselle otthanu ni opiilli.

Masalimo 22:8

Enallota wi, “Waaroromella Apwiya, Apwiya yaayo yuuvulluse, ewoopollethi vano vawi ennuukonda.”

Masalimo 3:2

Athu anchichi yaallotaka dda miyaano eni, “Mulluku khanawora omuvullusa.”

2 Samuele 16:12

Apaalle Apwiya eneerewoona ddookatamiha ddaka nave eneerokihokollosella ddaphaama ekaamba ya oruwaniwanngu.”

Eksodo 23:17

Sika allopwana attheene yooneyelleke vamiitthoni va mi Apwiya Mullukwaanyu, oraru vamuyakhani.

Deuteronomo 5:26

Ethiyo ookhallavo muthu oyo akhanlleve ni okumi vatulli vawiiwani mawu a Mulluku Ookumi ari m'munlloni wonanko namwiiwelleehu hiyaano?

Masalimo 63:2

Vawi kinnapaalla woona masivaanyu ni ntitimiho nanyu wonanko mmo koonelleemi nipuro nanyu naweella.

Masalimo 84:3

Naari kattiitti annaphwanya mapuro ookhalla, neenkhaare annamaka emphurwaaye mmo anaakonaatthiheeyemo asaanaaye, vakhuviru ni makuwaanyu, nyu Apwiya Amasiva Mattheene, Mwenaaka ni Mullukwaaka.

Masalimo 143:6

Kinnattaphurusella mattaaka wa nyuwaano, murimaaka onnavolliwa nthona nawuupaallani, mmo muneerella ellapo yawumma.