Masalimo 42:2 - Mawu a Mulluku

² Murimaaka wookhalla ni nthona noomupaalla Mulluku, Mulluku mukumi. Ethiyo kinaaphiye niini vamiitthoni va Mulluku?

Masalimo 42:2 ပူးပေါင်းရင်းမြစ်များ

Masalimo 63:1

Nyu Mulluku, nyuwaano tti Mullukwaaka, kinnawaashaashani, murimaaka wookhalla ni nthona noopaalla owoonani, mwiillaaka onnuupaallani wonanko ellapo yawumma, yooguga ni yoohikhalla ni maaddi.

Masalimo 84:10

Okhalla nllapo nimodda mu nipuro nanyu tti waphaama wunchichi okhwaranya okhalla mallapo manchichi orive weko. Ddeerokiddivella okhalla va mullako wa enyumba ya Mullukwaaka okhwaranya okhalla mpa mwa athu oonanara.

Masalimo 27:4

Kinaveka ello emodda wa Apwiya, ello yoopaalleya wunchichi, yawi kikhalleke mu enyumba ya Apwiya, mallapo mattheene a okumaaka, wi kihakallalleke ni oreera murima wa Apwiya, wi kaallapelleke alliwa mu enyumbiiwa.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yohane 7:37

Va nllapo noomallihella navettho nuullupalli na ehakallallo Yesu ahiimella allota mookhuwa wi, “Muthu avolliwa nthona anaphwanella awe wa miyaano wi awirye.

Masalimo 84:2

Murimaaka onnapaalla, ophiyera ongomowa opaallesesa woona nipuro na Apwiya. Nyu Mulluku Ookumi, kinnawiipellani moohakallalla ni murimaaka muttheene.

Masalimo 84:4

Oodala tti athu ayo enakhalla mpa mwanyu, eniipa machipo awuutitimihani enthawi ettheene.

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Yobu 23:3

Ha, kadduwenlleke nipuro kinamphwanyeemi, keerophiya nko anakhalleeyewo.

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

1 Atesalonika 1:9

Athu attheene ennallota dda mmo mwanaakhellelleenyu ni mmo mwaarukunuwelleenyu wa Mulluku muhiyalle mafano wi m'murumeyelle Mulluku awoona ni ookumi,

Yohane 5:26

Vawi Attiitthaaka aakhalla ni masiva owaavaha athu okumi, emoddamoddave yeeyo alliwaayo aakivaha miyaano masiva owaavaha athu okumi.

Masalimo 84:7

Masiviiwa ennavirellella waata, Mulluku a milluku awooneya mu Ziyoni.

Eksodo 23:17

Sika allopwana attheene yooneyelleke vamiitthoni va mi Apwiya Mullukwaanyu, oraru vamuyakhani.

Daniele 6:26

Kinakeraatthiha lamulo nawi athu attheene a mu omwenaaka emooveke ni omuvaha olemu Mulluku a Daniele. Olliye tti ookumi ni oohimalla, omwenaaye khowa woonongeya, olamulellwaaye khowa omalla.

Yeremiya 10:10

Koma nyu Apwiya, tti Mulluku awoona, tti Mulluku Ookumi navettho Mwene a enthawi yoohimalla. Ellapo yavatthi ennatikheya ni owallaanyu, athu a mitundu ddimodda khewora ovillella ni osha murima wanyu.

Yoswa 3:10

Vano muneerodduwella wi Mulluku mukumi ari variyari vanyu. Nave olliye aneerowiikara Akanani, Ahiti, Ahivi, Aperezi, Agirigashi, Aamori ni Ayebusi.

Masalimo 63:3

Echikondaanyu yoohisintheya tti yaphaama okhwaranya okumi, sika kineerewuutitimihani ni vayanoni vaka.

Yesaya 26:8

Ninnathwara ettilla ya malamulwaanyu, nyu Apwiya, ninnuutiyerellani. Ninnapaallesesa wi muupuwelliweke ni wi nnddina nanyu nititimihiweke.