Masalimo 42:10 - Mawu a Mulluku

¹⁰ Ovevulla wa adanaaka onnakivoreya wonanko nikhwata nookhwana na m'mwiillini mwaka, yaakikohaka enthawi ettheene wi, “Mullukwaawo ari wuuwi?”

Masalimo 42:10 ပူးပေါင်းရင်းမြစ်များ

Masalimo 42:3

Winlla sika yoochaaka otthaana ni mahiiyu, athu ennakittheya voollotani wi, “Mullukwaawo ari wuuwi?”

Yowele 2:17

Allupa mukutho enaarumeyella Apwiya yinlleke variyari va nikhote na apoto ni nikuwa na mukutho. Elloteke wi, “Nyu Apwiya, weerelleni echifundo athwaanyu, muhaakhullelle wi mitundu ddimodda ddinyaambuseke ni ovevulla yoohallanaanyu voollotani wi, ‘Ari wuuwi Mullukwaanyu?’ ”

Luka 2:35

Nave oneeromoriwa ethakaraka, wonanko nsupada nawiisha sika ninahoma murimaawo koma ddoovittheya dda m'murimani mwa athu anchichi ddineerewuupullulliwa.”

Mika 7:10

Adanaaka vawoonani ddenndda eneerowulliwa muru vawi yaanallota wi, “Ari wuuwi Apwiya Mullukwaawo?” Vano kineerewoona ni miitthwaaka enyingallelliwaka wonanko matokwi m'musewuni.

Miyambo 12:18

Ollota ddoonanara onnahoma wonanko nsupada koma nllumi na muthu eezeru ninnachiriha.

Masalimo 43:2

Ddawoona, nyuwaano tti Mulluku woothawellawo waka. Mukitathillelle tini? Ethiyo kinaaweetelleke tini kinllaka ekaamba ya opaniwa ni mudanaaka?”

Masalimo 55:4

Murimaaka onnavoreya wunchichi, ddawoopiha dda okhwa ddookimorella.

Maliro 5:20

Kaambiiwa tini munitiwanlleenyu moohihiyerera? Kaambiiwa tini munihiyalleenyu enthawi yoorekama?