Masalimo 40:6 - Mawu a Mulluku

⁶ Khamwaapanlle mikutho ni ddoovelleella, koma mookivaha maaru wi kiiwellekena. Khamwaavekille mikutho ddooshellelliha, ni mikutho ddoopepesella machimo.

Masalimo 40:6 ပူးပေါင်းရင်းမြစ်များ

Yesaya 1:11

Apwiya enallota wi, “Ethiyo mi kinnapwatha waata wa mikutho ddanyunnddo? Ddookikholla mikutho ddooshellelliha dda anankhoro ankhosa ni dda makhura a enama ddooneneva. Nginapaallattho nikhame na anankhoro a eng'ombe, na anamwanankhosa ni na anankhoro a epuri.

1 Samuele 15:22

Koma Samuele aallota wi, “Ethiyo Apwiya enahakallalla ni tini, mukutho wooshellelliha ni mikutho ddimodda, apaalle wiiwellella mawaaye? Wiiwellella ni ovelleella mukutho, waphaama tti wiiwellella. Waapella maaru ni ovelleella makhura a enkhosa, waphaama tti waapella maaru.

Masalimo 51:16

Khohiyo mukutho shisha oyo onuuhakallallihani nyuwaano. Kavelleelleke mukutho wooshellelliha, nyuwaano khamwaahakallallena.

Hoseya 6:6

Vawi kinapaalla echikondi yoohisintheya ohiri mukuthove. Kinapaalla wi athu ekidduwelle miyaano Mulluku, ohiri mukuthove wooshellelliha.

Mateyu 12:7

Nave mawu a Mulluku eni, ‘Kinapaalla echifundo ohiri mukuthove.’ Mwadduwenlleke ottaphullella wa mawu yaalla, khamwaaweeruzeke wi aachimwa athu oohichimwa.

Amosi 5:22

Naari muvelleelle mikutho ddanyu, ddooshellelliha navettho dda ddoocha mi ngiddaakhullella. Mikutho ddanyu dda eyaattano dda eng'ombe ddooneneva ngiddiweha naari vang'ono.

Mateyu 9:13

Khaweni mwiiwesese ottaphullella wa mawu a Mulluku awi, ‘Kinapaalla echifundo ohiri mukuthove.’ Miyaano ngiwiille wi kiwiithane athu oolungama koma athu oochimwa.”

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Yobu 33:16

vano annaahulla maaru athwaayo, annawoopopiha ni waachenjeza.

Masalimo 50:8

Nginuuhumullullani ekaamba ya mikutho ddanyu, vawi munnavelleella mikutho ddanyu ddooshellelliha wa miyaano enthawi ettheene.

Eksodo 21:6

Vaavo apwinnyaayo eweena kaporooyo onipuroni noomullapella Mulluku. Eweena va mullako apaalle va Eferemu nave apwinnyaayo emphovolle naaru naye. Sika anaakhalle kaporo a apwinnyaayo okumaaye muttheene.

Yobu 5:9

Mitteko ddaye tti dduullupalli ni ddoohiiweyesesa, tti ddoottikhiniha ni ddooheerengeya.

Masalimo 71:15

Vayanoni vaka vineerollota ddoolungama ddanyu ni dda ovullusa wanyu nllapo nittheene, vawi nginadduwella waata wene.

Masalimo 139:17

Nyu Mulluku, maganizwaanyu tti oowallamella wa miyaano, tti ooheerengeya naari vang'ono.

Masalimo 139:18

Kaweerengilleke, ddaano eri manchichi okhwaranya mihava, kaavenyaka kinakhallave ni nyuwaano.

Yesaya 25:1

Nyu Apwiya, nyuwaano sika Mullukwaaka, kineerewuuvahani olemu ni otitimiha nnddina nanyu. Moheera ddeko ddoottikhiniha, mookeraatthiha moororomelleya mwasimikizalleenyu khalle.