Masalimo 40:2 - Mawu a Mulluku

² Yaakiruulla mu nlliti nawoopiha, ehime yamatokwi. Yaakiimesa vanllukuni, ekeetiha phaama.

Masalimo 40:2 ပူးပေါင်းရင်းမြစ်များ

Masalimo 37:23

Apwiya ennahoollella meetello a muthu oolungama, ennaseera ettilla ddinaaddivella.

Masalimo 119:133

Seerani meetellwaaka moollikana ni mawaanywaalle, muhinaakhullella wi nirive nichimo nikilamulelleke.

Masalimo 27:5

Va nllapo na ddookatamiha eneerokivittha, eneerokisunga muwari mwa enyumbiiwa, eneerokiteteza vanllukuni noorekama.

Masalimo 61:2

Miyaano ookhalla omamallihello wa ellapo yavatthi, kootathilla murima nave kinawiithanani nyuwaano, kihoollelleni o nlluku noorekama okikhwaranya miyaano.

Masalimo 71:20

Nyu mwanoonihalle ddookatamiha ddoovoreya muneeronivenyiha, muneerokikhumihattho mu nlliti noowallamella na vatthi va ellapo.

Masalimo 86:13

Vawi echikondaanyu yoohisintheya va miyaano tti yuullupalli nave mwahaakihera okumaaka o woowallamella wa ellapo ya ookhwa.

Masalimo 69:2

Kootora m'matokwini oowallamella mmo muhiri ddoonyingalla ddoollipa. Koovollowa m'maaddini oowallamella, mafunde aakimirya.

Zekariya 9:11

Apwiya enallota wi, “Ekaamba ya echipanganwaaka ni nyuwaano eyo yallipihiwe ni nikhame na mikutho, kineerewaakhumiha mu nlliti noohikhalla ni maaddi athwaanyu ayo erive wuukaporoni.

Masalimo 18:36

Mooramballalliha ettillaaka wi keete phaama, sika manyallwaaka kheyaaserenguwalle.

Mitteko 2:24

Koma Mulluku aamuvenyiha wa ookhwa, amuttaphulla o ddoovoreya dda okhwa kaambiiwa khawaari wooworeya wi okhwa omuwanddeellelle.

Masalimo 143:3

Mudanaaka ookithwara manyallo oonyingallella okumaaka muthayani. Ookikeraatthiha mwiipiphini wonanko muthu oyo akhwille khalle.

Masalimo 17:5

Koothwara phaama ettilla ddanyu ddittheddene, nginaserenguweke naari vang'ono.

Masalimo 116:3

Misampha dda okhwa ddaakaapheella, ddawoopiha dda ellapo ya ookhwa ddaakimorella, kahoona ddookatamiha, kaamoriwa ethakaraka.

Mateyu 13:50

Nave oonanaraayo eneerewaavokhella vamunlloni wawoopiha, wenko eneerekewinlla ni okhuuriha miino.”

Yesaya 24:22

Mulluku aneerewaatthukumaniha mamwene mattheene vamodda wonanko a mundende munllitini. Eneerewaawallella mundende nave vavira enthawi yoorekama eneerollakiwa.

Masalimo 18:7

Vano ellapo yavatthi yaatthukumella etikheya, matthipello a miyaango yaatikheya ni orindimuwa, kaambiiwa Apwiya yaasha murima.