Masalimo 40:11 - Mawu a Mulluku

¹¹ Muhinakivenyihera echifundwaanyu, nyu Apwiya, echikondaanyu yoohisintheya ni ororomelleya wanyu ddinnakisunga.”

Masalimo 40:11 ပူးပေါင်းရင်းမြစ်များ

Masalimo 43:3

Rumihani owala wanyu ni yawoonaanyu wi ddikihoollelle, ddikiphiyihe omwaangonaanyu waweella, onipuroni wookhalla nyuwaano.

Masalimo 23:6

Ddawoona, ddooreera ddanyu ni echikondaanyu yoohisintheya, ddinaakhalle ni miyaano okumaaka muttheene, kinaakhalleke mpa mwanyu wa enthawi yoohimalla.

Masalimo 57:3

Mulluku aneerokaakhulla ari oddullu nave aneerokivullusa. Anaarewaagonjiha ookinyingallella, aneerokooniha echikondaaye yoohisintheya ni ororomelleya waye.

Miyambo 20:28

Echifundo ni ororomelleya ddinnamuteteza mwene nave omwenaaye onnallipa ekaamba ya echilungamo.

Masalimo 69:16

Nyu Apwiya, kaakhulleni vawi echikondaanyu yoohisintheya tti yaphaama, Kaapelleni maaru vawi echifundwaanyu tti yuullupalli.

Masalimo 61:7

Akhalle vampandonaaye woomwene vamiitthoni va Mulluku wa enthawi yoohimalla. Nyu Apwiya, echikondaanyu yoohisintheya ni ororomelleya wanyu ddimusunge.

Masalimo 69:13

Koma miyaano kinnavekella wa nyu Apwiya, nyu Mullukwaaka, mukaakhulle mu enthawi yaphaama ekaamba ya wunnuwa wa echikondaanyu yoohisintheya ekaamba ya ororomelleya wa ovullusa wanyu.

Masalimo 85:10

Echikondi yoohisintheya ni ororomelleya ddineerokumana, echilungamo ni murendelle ddineerokhupaarellana.

Aheberi 5:7

Mu okumaaye va ellapo yavatthimva, Yesu m'mavekelloni mwaye ahinlla mookhuwa nave moomoriha miitthori wa Mulluku, oyo aarina masiva oomuvullusa wuukhwaani. Kaambiiwa ahiivelleella ni wiiyeviha, Mulluku ahiiwa mavekellwaaye.

Masalimo 89:2

Vawi kinnallota wi “Echikondaanyu yoohisintheya yookeraattheya wa enthawi yoohimalla, ororomelleya wanyu tti yoollipa wonanko eddullu.”