Masalimo 4:2 - Mawu a Mulluku

² Athu nyu, munaahiye niini okivevulla? Ophiyera niini munaakondekeenyu ddeko shisha, waashaasha ddeko ddawoottha?

Masalimo 4:2 ပူးပေါင်းရင်းမြစ်များ

Miyambo 1:22

“Nyu eenamwani, munaakhalleke eenamwani ophiyera niini? Nyu oovevulla munaavevulleke ezeru ophiyera niini? Nyu ookarangeya, munaayiiteke ezeru ophiyera niini?

Hoseya 4:7

Mmo allupa mukutho yaatelliiwa tti mmottho yattepelliiwa ochimwa. Kineerotthattusa oriiheya wiwa wi okhalle owulliwa muru.

Masalimo 3:3

Koma nyu Apwiya, muri echishangwaaka, nyu sika munakipambaniha, nyu sika muri ookillipiha mwiilli.

Yeremiya 2:11

Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

Masalimo 106:20

Yahaakakhaniha ntitimiho na Mulluku ni nifano neeng'ombe yoocha manasi.

Masalimo 5:6

Nyuwaano munnawoononga athu awoottha. Apwiya munnananariwana awiipha ni oolleka.

Aefeso 4:25

Vano muhiye woottha! Arive muthu a nyuwaano anaphwanella alloteke ddawoona ni mukhwaaye kaambiiwa hiyaano vamodda niri eziwalo dda mwiilli wa Khrisitu.

Oollalleya 8:11

Aweeruza yaasellihaka omullaka muthu oochimwa, athu amodda ennallipa murima enapaalla weera ddoonanara.

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.

Yona 2:8

Athu oollapella milluku ddawoottha kheyiivo enaphuriiwa.

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Yesaya 59:4

Khaavo anamwiipa mullatu mukhwaaye moolungama khaavo anaaye o nthato namillatu mwawoona. Enaroromella etthiru, enakhallella ollota ddawoottha. Ddawoona, athu oonanara ennakusa erukullu ya ddoonanara, ennayara makhallello oonanara.

Yesaya 45:17

Koma Israele anavullusiwa ni Apwiya, ovullusiwa waye oneerokhallavo wa enthawi yoohimalla. Athwaaye khewa ewulliha muru, khewa evevulliwa.’ ”

Yesaya 20:5

Vano attheene yaroromella ellapo ya Kushi navettho yiitukhulla ekaamba ya ellapo ya Iguputo, eneeromoriwa ethakaraka ni owulliwa muru.

Masalimo 63:11

Koma mwene aneerohakallalla mwa Mulluku, attheene oomullupella olliye eneeromutitimiha, koma vayanoni va athu awoottha vineerowalliwa.

Masalimo 58:3

Athu oonanara tti oohollowa waambeella eri m'murimani mwa ameewa, athu anamullota tti ootathiya waambeella nllapo na oyariwa wiwa.

Masalimo 58:1

Nyu oolamulella, ethiyo munnakamulla mullatu mwa echilungamo? Ethiyo munnaweeruza athu mwawoona?

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 31:6

Nyuwaano munniitana ni oollapella mafano awoottha, koma miyaano kinnuuroromellani nyu Apwiya.

Masalimo 14:6

Nyu oonanara, munnaanganyera ddoolinga dda oopaneya, koma Apwiya sika woothawella wiwa.

Masalimo 2:1

Kaambiiwa tini athu a mitundu ddimodda enapaalliiwa owukila? Kaambiiwa tini athu yaalla eniiwananiiwa ddoohikhalla ni mutteko?

Oollalleya 9:3

Yoonanara wunchichi mwa ddittheddene ddaweereya vatthimva tti yawi otulli omoddamoddave yoolla onnaamorella attheene. Emoddattho tti yawi mirima dda athu tti ddooddalla ni ddoonanara ni ddaanepa eri akumi nave vatulli viwa ennakhwa.

Masalimo 72:2

Vano mwenooyo aneeroweeruza athwaanyu moolungama, athwaanyu oohoowa moohiweha ekhove.

Numeri 14:11

Apwiya yaamukoha Mose wi, “Ethiyo athu yaalla enaahiye niini okivevulla? Nave enaahiye niini ohikikhulupilila naari yoonille ezizindikiro nnddo keerilleemi vamiitthoni viwa?

Eksodo 10:3

Mose ni Aroni yaaya wa Farao yamulleella wi, “Apwiya Mulluku a Aheberi, anakoha wi, ‘Ethiyo onaakhooteve wiiyeviha vamiitthoni vaka ophiyera niini? Owaakhullelle athwaaka evenyewo wi eye yakillapelle.

1 Akorinto 1:31

Sika vano, wonanko mmo mawu a Mulluku yalembelliwiiwa wi, “Oyo anapaalla wiitukhulla, iitukhulleke ni nnddo ddeeriwe ni Apwiya.”

Yeremiya 2:5

Apwiya enakoha wi, Ethiyo makhollwaanyu yakoonille ni yoonanara yawiidde yookithawella? Yaathwara ddoohikhalla ni mutteko, alliwattho yaatthattuwa oohikhalla ni mutteko.

Masalimo 50:15

Muvekelle wa miyaano va nllapo na ddookatamiha, miyaano kineerewuuvullusani nave muneerokititimiha.”

Mitteko 24:9

Ayuda attheene yahiiwanana dda mullatooyo nave yaallota wi ddeko ddittheddenennddo tti ddawoona.