Masalimo 39:5 - Mawu a Mulluku

⁵ Ngoonani, mookivaha mallapo ooyeva, enthawi ya okumaaka khe ello vamiitthoni vanyu. Ddawoona, arive muthu tti mpweyave.

Masalimo 39:5 ပူးပေါင်းရင်းမြစ်များ

Masalimo 144:4

Muthu ari wonanko mpweya, mallapwaaye tti wonanko muuthuuchi woohillekella.

Masalimo 89:47

Upuwellani wi mallapo a okumaaka tti ooyeva. Ethiyo mwaaphatuselle nivuddo athu attheene?

Masalimo 62:9

Athu shisha tti mpweyave athu ootukhuwa tti awoottha, attheenaayo tti oohillemella vasikeloni ni oveveluwa okhwaranya mpweya.

Oollalleya 2:11

Vano kahaamba oganizera mitteko dda mattaaka ddittheddene nnddo kahoowilleemina nave kahoona wi khaddinna mutteko nave oddaashaasha ddenndda tti wiikatamiha. Ddawoona khavaari yawi ttuuphuravo va ellapo yavatthi.

Yakobo 4:14

Khamunadduwella wi osiisello okumaanyu onaakhalle mwawiidde! Nyu muri wonanko mwiisi, oyo onooneya enthawi yooyeva nave vano opallalleya.

Masalimo 39:11

Munnamullaka muthu voomuhumullullani ekaamba ya machimwaaye, munnoononga nnddo anaddikondeeye wonanko enjenjete. Ddawoona, arive muthu tti mpweyave.

Yobu 7:6

Mallapwaaka enathamaka okhwaranya matchini a ddoowara, voohikhalla etiyerello, ennamalla.

Yesaya 40:17

Mitundu ddittheddene dda athu khe ello vamiitthoni va Apwiya, alliwa enaddeesa ddashisha ni ddoohikhalla ni mutteko.

Oollalleya 1:2

Ddittheddene khaddinna mutteko, anallota tti Oollalleya, ddittheddene khaddinna mutteko! Ddawoona, ddittheddene khaddinna mutteko!

Genesis 47:9

Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.”

2 Petro 3:8

Koma muhitiwalle ello emodda, akhwaaka ookondiwa! Khuwaavo ohiyana, wa nllapo nimodda ni miyakha 1,000 vamiitthoni va Apwiya. Wa olliye, piillinndda tti ddoophwanaphwana.

2 Samuele 19:34

Koma Barizilai aamukoha mwenooyo wi, Ethiyo mi okumaaka ohanlle ni mallapo makavi? Wi kakhalleke ni nyuwaano o Yerusalemu?

Masalimo 90:12

Vano nihuddiheni weerenga mallapwaahu wi nikhalle ni murima weezeru.