22 Akuvani okikavihera, nyu Apwiya Mullukwaaka.
Nyu Apwiya, kivulluseni! Nyu Apwiya, akuvani okikavihera!
Apwiya sika owala waka ni oovullusaaka. Ttaani kinaamoovekeemi? Apwiya sika mpanda wooteteza okumaaka. Ttaani kinaamutthukumellellekeemi?
Ngoonani, Mulluku sika oovullusaaka, kineeromuroromella nave ngiwa koova. Apwiya sika masivaaka ni echipwaaka, alliwa tti oovullusaaka.
Nyu Mulluku, muhikirekamelle, nyu Mullukwaaka, akuvani okikavihera.
Mi tti oofooka nave oohoowa, nyu Mulluku, waawoni mwawaakuva. Nyu tti ookikaviheraaka ni oovullusaaka, nyu Apwiya, muhinaselliwa okikavihera.
Olliye yeekhaayeve sika nlluku naka, oovullusaaka ni woothawella waka, ngiwa kitikheya naari vang'ono.
Mi tti oofooka nave oohoowa, koma khamukituwanlle, nyu Apwiya. Nyu tti ookikaviheraaka ni oovullusaaka, nyu Mullukwaaka, muhinaselliwa okikavihera.
Nyu Apwiya, kinnawiithanani, akuvani wi mukikavihere. Kireyeni maaru wi mwiiwe mawaaka, kaavekellaka wa nyuwaano.
Adanaaka anchichi amasiva aakaapheella, aakuupa wonanko anankhoro a enari.
