Masalimo 37:34 - Mawu a Mulluku

³⁴ Atiyere Apwiya, sunga ettilla ddiwa, vano eneerewuuwelliha vawuuvahani ellapo yavatthi nave oneerowoona oonanara yoonongeyaka.

Masalimo 37:34 ပူးပေါင်းရင်းမြစ်များ

Masalimo 27:14

Vano atiyere Apwiya. Khalla amasiva nave ollipe murima. Ddawoona, atiyere Apwiya.

Miyambo 20:22

Ohilloteke wi, “Kineerohokollosella ddoonanara.” Atiyere Apwiya vawi eneerewuuvullusa.

Masalimo 37:9

Vallethi athu oonanara eneerewoonongeya, koma owaatiyera Apwiya eneerewaakhella ellapo yavatthi wi ekhalle yayiwayayiwa.

Mateyu 24:13

Koma oyo anaavillelle ophiya o mamallihello, aneerovulluwa.

Masalimo 37:7

Khurumuwa vamiitthoni va Apwiya, waatiyere moohikhupanya. Ohinamukhupanyaka muthu oyo ddaaye ddinamweetella phaama apaalle muthu oyo anapambana mu ddoonanara nnddo addikhozilleeye.

1 Petro 5:6

Sika, vano, mwiiyeviheke vatthi va nnattanatta namasiva na Mulluku wi awunnuwiheni mu enthawaaye yakwakhwana.

Luka 14:11

Vawi attheene enaddunnuwiha weekhiiwa eneeroyevihiwa nave ayo eniiyeviha weekhiiwa eneerewunnuwihiwa.”

Miyambo 16:17

Musewu wa muthu oolungama onnarapa ddoonanara nave muthu awoonesesa ettillaaye annasunga okumaaye.

Masalimo 91:8

Oneerekoweha ni miitthwaawo, oneerewoona mmo enaallakelliiwa athu oonanara.

Masalimo 37:3

Aroromelleke Apwiya nave weereke ddaphaama, khalla mu ellapo nave othwareke ddawoona.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

1 Petro 1:7

Ddoolinga ddiwa tti ddawi ddisimikize wi echikhulupilwaanyu tti yawoona. Naari golide, oyo anaworeya woonongeya, anneesiwa ni munllo. Nave vano echikhulupilwaanyu eyo eri yoowallamella wunchichi omukhwaranya golide, enaphwanellattho weesiwa wi evillelle. Sika muneerewaakhella ntitimiho va nllapo nawuupullulliwa Yesu Khrisitu.

Masalimo 112:9

Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

Deuteronomo 5:33

Mweeteke mu ettilla eyo Apwiya Mullukwaanyu yuulamulalliiwani wi ddeko ddiweetellekeni phaama nave wi enthawi ya okumaanyu erekame mu ellapo eyo munaawaakheenyu.”

Masalimo 25:13

Yooyo aneerokhalla ni okumi woohakallalla, edduullu ddaye ddineerewaakhella ellapo wi ekhalle yayiwayayiwa.

Masalimo 92:12

Athu oolungama eneerophuwa wonanko mikwarangwa, eneerewunnuwa wonanko mikunguza dda o Lebanoni.

Masalimo 112:8

Tti oollipa murima, khanoova, voomallihellani aneerowoona adanaaye egonjille.

Miyambo 29:16

Yaata oonanara ddoolakwa ddinnanjerereya koma oolungama eneerewoona omora wiwa.

Yesaya 57:13

Mwaakhuwaka opaalla nikavihero, mafanwaanyu yuukavihereni! Ephevo eneerovenyihavo millukunnddo mpweya oneerovavihavo. Koma ayo enakiroromella miyaano eneerewaakhella ellapo yookhallamo ni ovekella va mwaangwaaka waweella.”