Masalimo 37:32 - Mawu a Mulluku

³² Muthu oonanara annamwiipitthella oolungama, annamwaashaasha wi amwiiphe,

Masalimo 37:32 ပူးပေါင်းရင်းမြစ်များ

Mitteko 9:24

Koma aalleelliwa wi athu amodda anapaalla omwiipha. Otthaana ni mahiiyu yaanamutiyera vamillakoni dda muzinda wi emwiiphe.

Luka 20:20

Vano emweetellelle Yesu, yahaaruma athu ookhalla wonanko oolungama wi yamukoheke ddoomuwaka muwano nave emphwanyelle mullatu, yamuvelleelle wa oolamulella a o Roma oyo aari ni masiva ni olamulello.

Luka 14:1

Va nllapo na Sabata Yesu aaya o enyumba ya mmodda a attekweene a Afarisi* wi ache nave yaamweetellella.

Luka 11:54

Vawi yapaalla omuphwanyella yoomwiipella mullatu voomuwakani muwano.

Luka 6:7

Ahuddihi a malamulo* amodda ni Afarisi amodda yaamweetellella Yesu wi yoone eeki amuchirihe muthooyo va nllapo na Sabata wi emphwanyelle yoomwiipella mullatu.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Masalimo 37:12

Muthu oonanara annamupanganella ddoonanara oolungama, annamuttheya moomullumella miino.

Genesis 39:16

Nave mukanjooyo aawusunga m'mattani ophiyera pwiya a Yosefe awiille.

1 Samuele 19:10

Saulo aapaalla omuhoma Davide moomupataaniha ni esiri. Koma Davide aarapa nivakanno nihoma esiri. Davide aakhuma athawa mahiiyu vaavo.

1 Samuele 23:14

Davide iipittha m'makhunguni mu ellapo yamiyaango muchipululuni mwa Zifi. Saulo aavirellella omwaashaasha koma Mulluku khaawaakhullelle wi Davide aphariwe.

2 Mamwene 6:13

Vano mwene aallota wi, “Khaweni moone nko anakhalleeye wi kaarumewo athu yamphare.” Athwaayo ewiillewo yaamulleella wi, “Ari o Dotani.”

Masalimo 56:7

Nyu Mulluku, mwaallake ekaamba ya ddoonanara ddiwa, mwaashelle murima, muwoononge.

Miyambo 24:15

We muthu oonanara, ohiipitthelle nipuro na oolungama, ohitthanyulle vawiithuuwella vaye.

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Yeremiya 18:23

Nyu Apwiya, munnadduwella eziwembu ddiwa ddittheddene ddoopaalla okiipha. Muhaakhululukelle ddoonanara ddiwa apaalle waavenyihellavo machimwiiwa. Egonjihiwe vamiitthoni vanyu nave mwaallake mu osha murima wanyu.”

Daniele 6:5

Sika athwaalla yaallota wi, “Khanimuphwanyella mullatu Daniele naahimwaashera ekaamba va lamulo na Mullukwaaye.”