Masalimo 37:21 - Mawu a Mulluku

²¹ Muthu oonanara annaddivelliwa okongola koma khanawora ohokollosa, koma oolungama annakhalla ni murima waphaama ni woovaha.

Masalimo 37:21 ပူးပေါင်းရင်းမြစ်များ

Aheberi 13:16

Muhinatiwalla weera dda echifundo ni okawana nnddo muriinyuna vawi mikutho ddenndda ddinnamuhakallalliha Mulluku.

Masalimo 112:5

Muthu oyo anakongoliha moohipaalla opindula, oyo aneetiha mitteko ddaye mweechilungamo, ddeko ddaye ddinnamweetella phaama.

Miyambo 22:7

Athu eeyuuma ennaalamulella oohoowa nave oopolleya tti kaporo a oopolleyiha.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Masalimo 112:9

Annavelleella moohummella wa athu oohoowa, Echilungamwaaye tti yoohimalla, aneeroriihiwa ni ovahiwa olemu.

Deuteronomo 28:12

Va enthawiine, eneerewuurumihellani murimu ovenyera oddullu nko enamusungiiwa nave eneerodalisa mitteko ddanyu ddittheddene. Muneerokongoliha mitundu ddimodda ddinchichi koma nyuwaano khamuwa mukongola o orive mutundu.

Luka 6:30

Muthu uuvekani ello mumvaheke. Nave muthu awaakhani ello, muhinamukohattho wi uuhokolloselleni.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

Mitteko 20:35

Koowoonihellani mwa ddeko ddittheddene wi voopharani mutteko moollipiha ddiidda ninaphwanella wi naakavihereke oohoowa, vawuupuwellani mawu yallotille Apwiya Yesu weekhiiwa wi, ‘Oovaha sika anadalisiwa ohiri owaakhella.’ ”

Mitteko 11:29

Sika oohuddera yahiiwanana wi tti waphaama wi erumiheke ddeko ddawaakavihera ookhulupilila akhwiiwa o Yudeya moollikana ni eyuumiiwa.

Yesaya 32:8

Koma ooreera murima anaganizella ddaphaama nave anallipihella weera ddaphaama.