Masalimo 37:18 - Mawu a Mulluku

¹⁸ Apwiya ennapwatha okumi wa athu oohilakwa, yoohallaniiwa enaakhalle wa enthawi yoohimalla.

Masalimo 37:18 ပူးပေါင်းရင်းမြစ်များ

Masalimo 1:6

Apwiya ennapwatha meetello a athu oolungama koma ettilla ya athu oochimwa eneerewoonongeya.

Aroma 6:23

Vawi mallivello a machimo tti okhwa. Koma emphaso ya Mulluku tti okumi woohimalla mu eyaattano ni Khrisitu Yesu Apwiihu.

Masalimo 103:17

Koma echikondi yoohisintheya ya Apwiya tti yawaambeella enthawi yoohimalla wa enthawi yoohimalla, wa ayo enawoova, ennaddeerella ddoolungama edduullu ddiwa ddittheddene,

2 Timoteo 2:19

Koma matthipello oollipa ayo yatthipelliwe ni Mulluku khewora otikhiwa. Nave va matthipellellwaayo voolembiwa mawu awi, “Apwiya ennaadduwella ayo eri ayiwa” navettho “Arive muthu anaromolla nnddina na Apwiya ahiye ddoonanara.”

Masalimo 73:24

Munnakookollella ni malangizwaanyu, vatulli viwa muneerokaakhella mu ntitimiho nanyu.

Masalimo 49:5

Ethiyo kinaawoovelleke tini va enthawi ya ddookatamiha mvo athu ookihoosa enaakaapheelliiwa?

Masalimo 31:7

Kineerohakallalla ni othapella ekaamba ya echikondi yoohisintheya. Mohoona ohoosiwa waka, moodduwella ddookatamiha ddaka.

1 Yohane 2:25

Khrisitu aalonjeza onivaha okumi woohimalla.

Aroma 5:21

Sika vano vawi machimo yaanalamulella ohoollella o okhwa, emoddamoddave yeeyo, vano echisomo ya Mulluku ennalamulella oweella mu echilungamo, ennanihoollella o okumi woohimalla oweella mwa Yesu Khrisitu Apwiihu.

Mateyu 6:32

Athu oohimullapella Mulluku ennakhupanya dda ddeko ddenndda. Attiitthaanyu ooddullu ennadduwella wi munnapaalla ddeko ddittheddenenndda.

Yesaya 60:21

Athwaawo attheene enaakhalle oolungama, ellapweeyo enaakhalle yayiwa wa enthawi yoohimalla. Athwaayo tti enthambi kanlleemi, mutteko wa mattaaka, wi kititimihiwe.

Masalimo 37:13

Koma Apwiya ennamuttheya oonanarooyo, vawi ennoona wi nllapo naye nawoonongeya niri vakhuviru.

Masalimo 31:15

Mallapwaaka eri m'mattani mwanyu. Kivulluseni wa adanaaka ni wa ookihoosa.

Masalimo 21:4

Olliye uuvekilleni okumi, nyuwaano mwaamuvaha okumi woorekama, woohimalla.

Masalimo 16:11

Munnakitthoonyihella ettilla ya okumi, ophwanyeya wanyu onnakihakallalliha wunchichi miyaano. Onnattanatta wanyu, kinnahakallalla wa enthawi yoohimalla.”

Deuteronomo 33:25

Ateteziwe ni millako ddamukoko, akhalle amasiva mallapwaaye mattheene.”

Miyambo 2:21

Athu oolungama sika enaakhalle mwiillaponi nave oororomelleya sika enaakeraattheye mwemmo.