Masalimo 32:5 - Mawu a Mulluku

⁵ Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Masalimo 32:5 ပူးပေါင်းရင်းမြစ်များ

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

2 Samuele 12:13

Davide aallota wa Natani wi, “Kohaachimwella Apwiya.” Natani aallota wi, “Apwiya ahuukhululukellani machimwaanyu, khamukhwa.

Masalimo 38:18

Kinnaakhullella machimwaaka, kinnakhupanya ekaamba ya onanara waka.

Yesaya 65:24

Kineerowaakhulla ehinamallihe wiithana nave kineerowiiwa ehinamallihe ollota.

Hoseya 6:1

“Hankoni nihokollweelle wa Apwiya, aanikhaddulla koma eneeronichiriha. Aaniphoriiha koma eneeromaka makhwataahu

Yobu 33:27

Vano muthooyo aneerewiipa wa amodda wi, Kaachimwa, ngeenre ddoolungama koma ngaahokolloselliwe moollikana ni mitteko ddaka.

2 Samuele 24:10

Vatulli viwa Davide ahiivaanyiha m'murimani mwaye, oweerenga athu wulle omanlle. Vano aavekella wa Apwiya wi, “Koochimwa wunchichi vaweerani yeella. Koma vano, nyu Apwiya, kinuuvekani wi mukikhululukelle nichimo na mi oorumeyellaanyu. Vawi koheera ddookarangeya wunchichi.”

Masalimo 103:12

Mmo murekamellane wookhuma nndduwa ni woovollowa nndduwa, Tti mmo Apwiya enarekamellihiiwa machimwaahu.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

Aefeso 4:32

Nave mweerellaneke echifundo ni oreerellana murima navettho mukhululukellaneke wonanko mmo Mulluku uukhululukelleeyeni oweella mwa Khrisitu.

Luka 7:47

Vano kinallota ni weyaano wi echikondi yinchichi eyo oonihelleeye, tti omboni wawi machimwaaye manchichaayo aakhululukiwa koma ayo ekhululukelliwe vang'ono enoonihattho echikondi yooyeva.”

Masalimo 103:3

Tti alliwa enakhululukella machimwaawo mattheene, enachiriha ereta ddawo ddittheddene.

Masalimo 86:15

Koma nyu Apwiya, tti Mulluku eechifundo, Mulluku ooreera murima, oohaakuva osha murima, ooddalla ni echikondi yoohisintheya ni oororomelleya wunchichi.

Masalimo 86:5

Nyu Apwiya tti aphaama ni ookhululukella, echikondaanyu yoohisintheya tti yuullupalli wa attheene ayo enawiithanani.

2 Samuele 12:9

Kaambiiwa tini ovevullalleewe mawu a Apwiya vaweerani ddoonanara vamiitthoni viwa? Woomwiipha Uriya Muhiti ni nsupada nave woomutthella mwaariye. Woomweeriha wi Aamoni emwiiphe.

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yeremiya 2:35

munallota wi, ‘Hi khenichimwalle, vano owalli wa Apwiya wooriirya.’ Mi kineerowiipanive mullatu ekaamba yoollota wi khemuchimwalle.

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

Miyambo 30:20

Mmu sika mutthiyana ooraruwa aneerelleeye, acha annavutta owanoni allota wi, “Kheyiivo yoonanara keerilleemi.”

Malaki 3:8

Kinimuukohani wi ethiyo muthu ttuumwiiyera Mulluku? Komave nyuwaano munnakiiyera. Munnakoha wi, ‘Ninawiiyerani mwawiidde?’ Oweella mu yaneekhumaanyu ni ddoovelleella.

Yobu 31:33

Ngiipitthihalle ddoonanara ddaka monga eneerella athu, ngivitthalle machimwaaka m'murimani mwaka.

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Yeremiya 31:20

We Efuremu, mwanaka a vamurimani, mwaana oyo kinahakallalleemina. Enthawi ddittheddene kaamuhumullullaka, kinnavirellella omuupuwella mwa echikondi vawi murimaaka onnampaallesesa, kineeromweerella echifundo.

Levitiko 5:5

“Muthu achimwa va emodda ya ddiromolliwenndda, awulule nichimo nayenno.

2 Samuele 24:17

Davide aamoona mungeloolle nave aallota ni Apwiya wi, “Mi sika kichimwalle nave koheera ddoonanara. Koma enkhosanndda ddilakwille tini? Vano nnatta nanyu nikillake mi ni nibanja na attiitthaaka.”

1 Mamwene 8:50

Mwaakhululukelle machimwiiwa mattheene ni wuuwukilani wiwa. Nave muweerihe wi adaniiwa eweerelleke echifundo.

2 Epilli 6:29

mwiiwe mavekellwiiwa. Arive muthu apaalle athwaanyu a Israele yadduwella ddookatamiha m'murimani mwiwa nave yavekella wa nyuwaano mootukhullella mattiiwa muddullu o enyumbeella,

Ezara 10:11

Vano muwulule machimwaanyu wa Apwiya Mulluku a makhollwaanyu nave mweere nnddo enapaalliiwa. Mwiipatule wa athu a mwiillaponi navettho mwiipatule wa atthiyana eelleto.”

Masalimo 25:16

Nyu Apwiya, kiweheni, keerelleni echifundo vawi kiri meekha nave koohoosiwa wunchichi.

Masalimo 25:18

Onani ddoohoosa ddaka ni ddookatamiha ddaka, kikhululukelleni machimwaaka mattheene.

Masalimo 38:19

Adanaaka tti akumi ni amasiva, tti anchichi ayo enakiita vihiri ekaamba.

Masalimo 51:6

Ddawoona, munnaddivelliwa ni murima wawoona, sika mukihuddihe ezeru ddanyu.