Masalimo 32:4 - Mawu a Mulluku

⁴ Vawi otthaana ni misikuwa nnatta nanyu naakiwatakanya, masivaaka yaamalla wonanko makattha mu ellimwe.

Masalimo 32:4 ပူးပေါင်းရင်းမြစ်များ

1 Samuele 5:11

Sika vano yaawiithanattho mamwene mattheene a Afilisti wi etthukumane, ellota wi, “Venyihanivoni nibokosinna, munihokolloselle nko navenyeriiwawo, woova wi ninaaniiphe ni athwaahu.” Vawi mwaakhalla woova wuullupalli m'muzindani mutthemwenemmo. Apwiya yaanaallaka mwawoopiha athu a wenko.

Masalimo 22:15

Ommilloni waka wohumma wonanko nivalli, nllumi naka nohaangellella onramani. Mookihiya vanthupini wi kikhwelle vaavo.

Yobu 33:7

Muhoove ni woopopiha waka nguureyani ello yoollemella.

Maliro 5:10

Mwiilliihu onaviha wonanko ufuni ekaamba ya ovolliwa ettalla.

Maliro 4:8

Koma vano ekhove ddiwa ddootthattuwa, ddooripa wonanko ninkhalla wawi khaavo anawuupuwella m'musewuni. Mwiilliiwa woowa mahoonya, wohumma wonanko muteekho.

Yobu 30:30

Nttapara nohaamba oripa ni ophinyuwa, makhuva ennakipwesa ni ovihiha mwiilli.

Yobu 16:21

Mmodda akipepeselle wa Mulluku, wonanko aneerella muthu ni mukhwaaye.

1 Samuele 6:9

Vano muniweheke nigaretanno nakusa musewu wa owaniwa ophiya o Beteshemeshi sika wi tti Apwiya a Aisraele yaniwiihelle ddookatamiha. Koma ddaaheereya ddiiddo nineerodduwella wi khehiyo alliwa yanillaka, waarimoona okhalla otullaahu.”

1 Samuele 5:9

Koma ephiyallena o Gati, Apwiya yahaallaka, yahaahoosa mwawoopiha athu a m'muzindanimmo, anamwani ni attekweeneene vawi athu attheenaayo etthuku ddahaakhuma mwiilli muttheene.

Rute 1:13

Ethiyo mweerowora waatiyera ophiyera yunnuwe? Ethiyo ddenndda ddeerewuulephelihani otthelliwa? Iyaayi, anaaka, okumaaka tti wa ethakaraka ddinchichi wuukhwaranyani nyuwaano vawi Apwiya aakiwukila.”