Masalimo 31:14 - Mawu a Mulluku

¹⁴ Koma kinnuuroromellani nyu Apwiya, kinnallota wi, “Nyu tti Mullukwaaka.”

Masalimo 31:14 ပူးပေါင်းရင်းမြစ်များ

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 43:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

Mateyu 26:42

Wiillittho waneepiilli Yesu aaya avekella wi, “Attiitthaaka kapu a ddoohoosoolla aahivenyihiwa ophiyera kimuwinrye, opaalla wanyu weeriwe.”

Masalimo 140:6

Kinnaalleella Apwiya wi, “Nyu tti Mullukwaaka.” Nyu Apwiya, kireyeni maaru wi mwiiwe ovekella waka.

Mateyu 26:39

Nave aaya vahoollo vang'ono akokhora oweha vatthi nave avekella wi, “Attiitthaaka, wakhalla wooworeya, mukivenyiherevo kapu a ddookatamihoolla! Ohiri opaalla waka koma opaalla wanyu weereye.”

Masalimo 63:1

Nyu Mulluku, nyuwaano tti Mullukwaaka, kinnawaashaashani, murimaaka wookhalla ni nthona noopaalla owoonani, mwiillaaka onnuupaallani wonanko ellapo yawumma, yooguga ni yoohikhalla ni maaddi.

Masalimo 71:22

Nyu Mullukwaaka, kineerewuutitimihani ni zeze ekaamba ya ororomelleya wanyu. Nyu Aweella a Israele, kineerewiipa machipo awuuriihani ni ezida dda enthambo.

Masalimo 71:12

Nyu Mulluku, muhikirekamelle, nyu Mullukwaaka, akuvani okikavihera.

Yohane 20:17

Yesu aamulleella wi, “Ohikiphare vawi nginawelle wa Attiitthaaka. Koma vano khawe wa oohudderaaka waalleelle wi kinahokollweella wa Attiitthaaka ni wa Attiitthaanyu, wa Mullukwaaka ni Mullukwaanyu.”

Mateyu 27:46

Voowaatamellani 3 koloko otthaana yooyo, Yesu aakhuwa moollipiha wi, “Eli, Eli, lama sabakitani?” Ottaphullella wiwa, “Mullukwaaka, Mullukwaaka, mukihiyere tini?”

Genesis 37:18

Nave asinnaalle yamoonilliiwa awaaka voorekama, ahinaatamelle naari vang'ono ophiya yaariiwamvo, yahiiwanana wi emwiiphe.

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”