Masalimo 31:13 - Mawu a Mulluku

¹³ Kinnawiiwa athu enong'onellanaka ddoonanara ddaka, ddawoopiha ddookaapheella virive veko. Ennapangana ddoonanara ddookiwukila eniiwanana wi ekiiphe.

Masalimo 31:13 ပူးပေါင်းရင်းမြစ်များ

Yeremiya 20:10

Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Mateyu 27:1

Osaka wene ohinase allupa mukutho uullupalli attheene ni attekweene a Ayuda* yaakumana wi yiiwanane ddoomwiipha Yesu.

Maliro 2:22

Wonanko mmo muniithanelleenyu o ehakallallo, tti mwemmo mukiithanelleenyu ddawoopiha ovenyera o embali ddittheddene. Nyu Apwiya, va nllapo na osha murima wanyu, khaavo oyo awonre othawa apaalle ovulluwa. Attheene kaayarilleemi ni waalleella, adanaaka yaawoononga.

1 Samuele 20:33

Iiwalle ddenndda aamuvokhella nivaka Yonatani wi amwiiphe. Vano Yonatani aadduwella wi attiitthinnya enapaalla emwiiphe Davide.

Luka 23:5

Koma athwaayo yaallipihellave ollota wi, “Ni ehuddihwaaye annaweeriha athu a mu Yudeya mutthemwene wi ewukile. Aambeelle o Galileya, vano ari wuno.”

Mateyu 26:59

Nave allupa mukutho uullupalli ni attekweene a millatu attheene yahaashaasha omboni wawoottha woomuvaanyiha Yesu wi emwiiphe.

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Yeremiya 6:25

Nihaaheye oya omata apaalle weeta vamusewuni vawi adani enimawa ni ekhoto nave nohaapheelliwa ni ddawoopiha.”

Masalimo 101:5

Muthu oollota ddoomunanariha mukhwaaye okhwipi kineeromumaalliha, ookota ni awiitukhulla ngimuhiyerera.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

Masalimo 55:10

Otthaana ni mahiiyu alliwa ennaapheella mpandiiwa, m'muzindanimmo mookhalla echiwawa ni ekhoto.

1 Samuele 24:9

Aamukoha Saulo wi, “Kaambiiwa tini munawiiwellelleenyu athu ayo enallota wi, ‘Davide anapaalla owiiphani?’

Genesis 40:23

Komave oovelleella vinyoolle khaamuupuwelle Yosefe, aamutiwalla.