Masalimo 30:12 - Mawu a Mulluku

¹² Sika ngikhalla ellapo tuu, koma kineerewuutitimihani ni murimaaka muttheene. Apwiya nyuwaano tti Mullukwaaka, kineerewuuthokozani wa enthawi yoohimalla.

Masalimo 30:12 ပူးပေါင်းရင်းမြစ်များ

Masalimo 145:2

Kineerewuuthokozani nllapo ni nllapo, kineeroriiha nnddina nanyu wa enthawi yoohimalla.

Masalimo 44:8

Ninnamukotella Mulluku enthawi ettheene, ninnathokoza nnddina nanyu wa enthawi yoohimalla.

Masalimo 16:9

Sika murimaaka onnahakallalla, muwariwari mwakammu kinnattaphuwa, okumaaka wookhalla ni murendelle.

Luka 19:40

Yesu aawaakhulla wi, “Kinimuulleellani naari emanlle alliwaalla, mallukwaalla eneerokhuwa.”

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Masalimo 71:23

Vayanoni vaka vineerokhuwa ni ehakallallo voowiipellani machipo awuutitimihani. Murimaaka muwooponlleenyu, oneerewiipa mowuuriihani.

Masalimo 71:14

Koma kineerekewuutiyerellani erive enthawi, kineerovirellella wuutitimihani.

Masalimo 57:8

We murimaaka venya, nyu zeze ni gitala, inllani! Kineerovenyiha nndduwa ni nchipo naka.

Masalimo 13:6

Kineerowiipellani Apwiya vawi mookeerella ddaphaama.

Yawuupullulla 7:12

Yaanallota wi, “Amen! Odalisa, otitimiha, ezeru, othokoza, oriiheya, masiva, ollipiha tti dda Mullukwaahu wa enthawi yoohimalla! Amen!”

Genesis 49:6

Ngiwa kiiwanana ni ddoollota ddiwa ddavakhwipi, naari va mitthukumano ddiwa, ngiwa kaattanana, kaambiiwa yaawiipha athu moosha murima, nave yahaaphoriiha anankhoro a eng'ombe mwa ekuku, nave yahaatthattusa yoottheellana.

Estere 8:16

Vano Ayuda yaari oohakallalla ni oottaphuwa nave athu yaanaavaha olemu.

Estere 9:22

vawi yaari mallapo ayo Ayuda yiittaphullalliiwa ovenyera wa adaniiwa. Sika mweeri wa Adara waari mweeri oyo ethakaraka ni winlla ddatthattuwalliiwa ohakallalla. Mordekai ahaalleellattho wi mallapo yaalla ekhalleke a ehakallallo ni a machellello voorumihellana ddoocha ddaphaama navettho waavaha emphaso athu oohoowa.

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.