Masalimo 30:11 - Mawu a Mulluku

¹¹ Mootthattusa winlla waka wi okhalle wiina, mookivenyihella ethakarakaaka mukivaha ehakallallo.

Masalimo 30:11 ပူးပေါင်းရင်းမြစ်များ

Yeremiya 31:4

Nyu Aisraele, kineerewuumakanittho wi mukeraattheye. Muneerohakallalla vawiipani asikoma nave muneerothaanana nimodda athu awiina moohakallalla.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Oollalleya 3:4

Vookhalla enthawi yoomoriha miitthori ni enthawi yoottheya, enthawi yawinlla ni enthawi yawiina.

2 Epilli 20:12

Nyu Mullukwaahu, ethiyo yaalla khemwaallaka? Vawi hi kheninna masiva awi ttuullipanana athu enaanihelle ekhoto. Kheninna yaweera koma miitthwaahu eri va nyu.”

Masalimo 149:3

Etitimihe nnddina niwa vawiinani, ewiipelle nchipo nooriya ni ekoma owaaka azeze.

Masalimo 150:4

Mutitimiheni voomwiipellani ekoma ni vawiinani, mutitimiheni ni ezipangizo dda enthambo ni ezitoliro

Luka 15:22

Koma attiitthinnyaayo yaallota wa mullupa mutteko wi, ‘Akuvani mwakuse mukanjo waphaama m'muwarihe. M'muwarihettho emphete o eyaalla ni esapato omanyalloni waye.

Masalimo 30:5

Onanariwa wiwa tti wa enthawi yooyeva, oreera murima wiwa tti wa okumi muttheene. Naari miitthori ddimoraka mahiiyu mattheene, ohinase onnakhalla ohakallalla.

2 Samuele 6:14

Davide awanre efodi yabafuta, aaniina mowaatitimiha Apwiya ni masivaaye mattheene.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Masalimo 4:7

Koma ohakallalla nko mukivahilleenyu m'murimani mwaka, wohaakhwaranya ayo eri ni ddoocha ni ddoowirya ddinchichi.

Yohane 16:20

Ddawoona, kinimuulleellani wi muneerewinlla ni woopa ekutho koma athu a ellapo yavatthi eneerohakallalla. Nyuwaano muneerokokhupanya koma okhupanya wanyu eneerotthattuwa ehakallallo.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

2 Epilli 20:9

‘Otulli woonimorella, nsupada, echiweruzo, mullilli apaalle ettalla, nineerewiimella va enyumbaanyu vawi nnddina nanyu niri vaava. Vano nineerokhuwella wa nyu ekaamba ya ddookatamiha ddahu, muneerewiiwa nave muneeronivullusa.’

Yesaya 25:3

Ekaamba ya yeella mitundu ddamasiva dda athu ddineerewuutitimihani, m'mizindani dda mitundu ddeekuku athu eneerowoovani.

Estere 9:22

vawi yaari mallapo ayo Ayuda yiittaphullalliiwa ovenyera wa adaniiwa. Sika mweeri wa Adara waari mweeri oyo ethakaraka ni winlla ddatthattuwalliiwa ohakallalla. Mordekai ahaalleellattho wi mallapo yaalla ekhalleke a ehakallallo ni a machellello voorumihellana ddoocha ddaphaama navettho waavaha emphaso athu oohoowa.

Nehemiya 8:10

Sika aallota wi, “Khaweni mwache machellello ni omuwirya vinyo ooddiva. Mukawanena athu ayo ehinna ddookwakhwanella vawi ollello tti nllapo naweella wa Apwiya Mullukwaahu. Vano muhimoriwe ethakaraka vawi ehakallallo ya Apwiya sika masivaanyu.”

Genesis 45:28

Sika aallota wi, “Ddawoona, mwanaka Yosefe ookhallawo. Kineeroyaawo kamoone kihinakhwe.”

Genesis 37:35

Anaaye attheene aallopwana ni aatthiyana yaawa wi emukhurumuse murima koma olliye aakhoota ni wi, “Kinaakhalle kinllaka maliro a mwanaka ophiyera kivollowille mu mahame mmo muri olliyooyo.” Sika aavirellella winlla ekaamba ya Yosefe mwanaye.

2 Epilli 20:3

Vaavo Yehoshafati ahoova nave aaganiza wi aaveke Apwiya ezeru ni ollalleya wi athu attheene a o Yuda ehalle ocha.

Masalimo 27:7

Nyu Apwiya, iwani winlla waka wookhuwa, mukeerelle echifundo nave mukaakhulle.

Yeremiya 52:33

Sika Yehoyakini aarulla ddoowara ddaye ddoondende nave nllapo ni nllapo aanacha ni mwene va okumaaye muttheene.